لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِیْزٌ عَلَیْهِ مَا عَنِتُّمْ حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ(۱۲۸)

ترجمو: بيشڪ توهان وٽ تشريف وٺي آيو توهان منجهان اهو رسول جنهن کي توهان جي تڪليف ڏاڍي ڏکي لڳندي آهي توهان جي ڀلائي جو سختي سان چاهيندڙ مسلمانن تي شفقت فرمائيندڙ مهربان آهي.

 اچو امت تي پاڻ ڪريم صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جي حرص ۽ شفقت جي جهلڪ ٻڌون ٿا، جيئن ته

امت جي لاءِ دعائون

حضورِانور، شافعِ محشر صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جن ارشاد فرمايو: الله تعالٰي مون کي ٽي (3) سوال عطا فرمايا، مون ٻه ڀيرا (ته دنيا ۾) عرض ڪري ورتو: اَللّٰہُمَّ اغْفِرْ لِاُمَّتِیْ اَللّٰہُمَّ اغْفِرْ لِاُمَّتِیْ اي الله منهنجي امت جي مغفرت فرماءِ، اي الله منهنجي امت جي مغفرت فرماءِ. وَاَخَّرْتُ الثَّالِثَۃَ لِیَوْمٍ  یَرْغَبُ اِلَیَّ الْخَلْقُ کُلُّہُمْ حَتّٰی اِبْرَاہِیمُ ۽ ٽين عرض ان ڏينهن جي لاءِ کڻي رکي، جنهن ۾ مخلوقِ الاهي منهنجي طرف نياز مند هوندي، ايستائين جو(الله پاڪ جا خليل) حضرت ابراهيم عَـلَيْـهِ الـسَّـلاَم به منهنجا نياز مند هوندا.

ياد رهي! تمام مخلوقات ۾ حضورِانور، مڪي مديني جي تاجور صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ کان پوءِ حضرت ابراهيم عَـلَيْـهِ الـسَّـلاَم جو مقام آهي ۽ اهي به سرڪار صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جي نظرِ ڪرم جا طالب هوندا). (مسلم،کتاب صلاۃ المسا فرین و قصر ہا ،باب بیان انّ القرآن علی سبعۃ۔۔۔الخ ،ص۳۱۸، حدیث: ۱۹۰۴ملتقطا)

  اعلٰي حضرت، امامِ اهلسنت مولانا شاهه امام احمد رضا خان رَحْمَةُ اللهِ تَعَالٰی عَلَيْه فرمائن ٿا: اي امت جا گنهگارؤ! ڇا توهان پنهنجي مالڪ ۽ مولا صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جا هي ڪمال نرمي ۽ رحمت جي انتها پنهنجي حال تي نه ڏٺا ته بارگاهِ الاهي مان ٽي سوال حضور صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ کي مليا جو جيڪو چاهيو گهري وٺو عطا ٿيندو. حضور صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ انهن مان ڪو سوال پنهنجي ذات پاڪ