Book Name:Seerat e Mufti Farooq
نہایت سنجیدہ اور کم گو تھے، ہم سبھی کےلیے اس واقعہ میں ”خاموشی“ کی ترغیب ہے۔ (مفتیِ دعوتِ اسلامی، ص۸۹)
صَلُّو ْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
میٹھی میٹھی ا سلامی بہنو! اَلْحَمْدُ لِلّٰہ عَزَّ وَجَلَّ دعوتِ اسلامی جہاں دنیا بھر میں مسلمانوں کو نیکی کے کاموں کی طرف گامزن کررہی ہےوہیں تمام گورنمنٹ وپرائیویٹ اسکولز (Schools) ، کالجز، یونیورسٹیز اور مُختلِف تعلیمی اِداروں سے مُنْسَلِک لوگوں تک نیکی کی دعوت پہنچانے کیلئے” شُعْبۂ تعلیم“ کا قِیام بھی عمل میں لایاگیا ہے ، جس کا بُنْیادی مَقْصَدان اِداروں سےوابستہ لوگوں کو دعوتِ اسلامی سے وابستہ کرتے ہوئےسُنّتوں کےمُطَابِق زِندگی گُزارنے کامدنی ذِہْن دینا ہے، یہ مجلس کالجزاور یونیورسٹیز (Universities) کےاَساتذہ وطلبہ سے اچّھی اچّھی نیّتوں کے ساتھ مَراسِم قائم کر کےاِنہیں تاجدارِرِسالت، شہنشاہِ نُبُوَّت صَلَّی اللّٰہُ تَعَالٰی عَلَیْہِ واٰلِہٖ وَسَلَّم کی سُنّتوں سے رُوشناس کرواتی ہے، نیزتَعْلیمی اِداروں میں مدنی اِنعامات کاسِلْسِلَہ جاری کرتی اور مدرسۃ المدینہ (بالغات) قائم کرکے ان کی دِیْنی واَخْلَاقی تَربِیَت کی ہرمُمکن کوشش کرتی ہے اللہ عَزَّ وَجَلَّ دعوتِ اسلامی کی تما م مجالس کو دن گیارہویں رات بارہویں ترقی عطا فرمائے ۔ اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ
صَلُّو ْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
میٹھی میٹھی ا سلامی بہنو! بیان کواِخْتِتام کی طرف لاتے ہوئےسُنّت کی فضیلت، چندسُنّتیں اورآداب بَیان کرنےکی سَعادَت حاصِل کرتی ہوں۔ تاجدارِرسالت، شَہَنْشاہِ نُبُوتصَلَّی اللہُ تَعَالٰی عَلَیْہِ وَاٰلِہٖ وَسَلَّمَ کافرمانِ جنّت نشان ہے: جس نےمیری سُنّت سےمَحَبَّت کی اُس نےمجھ سےمَحَبَّت کی اور جس نے مجھ سے مَحَبَّت کی وہ جنّت میں میرے ساتھ ہو گا۔ ([1])
سینہ تِری سُنَّت کا مدینہ بنے آقا جنّت میں پڑوسی مُجھے تُم اپنا بنانا
میٹھی میٹھی اسلامی بہنو! مسلمانوں کے درمیان صُلْح کروانا سُنّتِ اِلہٰیہ ہے۔ (فیصلہ کرنے کے مدنی پھول، ص۳۱ملخصاً) حدیثِ پاک میں ہے: مخلوق میں صُلْح کرواؤ کیونکہ اللہ کریم بھی بروزِ قیامت مسلمانوں میں صُلْح