ایک اسلامی بھائی عاشقانِ رسول کی مَدَنی تحریک دَعْوَتِ اِسْلَامی کے مَدَنی قافلے کے ساتھ ایک شہر میں گئے،اَذانِ فَجْر کے بعد وہ صدائے مدینہ لگاتے جا رہے تھے کہ اچانک ایک گھر سے ایک ماڈرن نوجوان ان کے ساتھ شامِل ہوا اور اُس نے فَجْر کی نَماز مَسْجِد میں باجَمَاعَت ادا کی۔بعد میں اُس نوجوان کے والِد مَدَنی قافلے والے عاشقانِ رسول سے ملنے آئے۔یہ صاحِبِ ثَرْوَت تھے۔انہوں نے آکر بتایا کہ صدائے مدینہ کی بَرَکَت سے ان کا نافرمان ماڈرن(Modern)بے نَمازی بیٹا پنج وقتہ نَماز پڑھنے لگا ہے۔اَلْحَمْدُ لِلّٰہ عَزَّ  وَجَلَّ اِس ماڈرن نوجوان کے والِد نے مُتَاَثِّر ہو کر اُس شہر میں مَدَنی مرکز فَیْضانِ مدینہ کے لیے زمین عطیہ کردی۔

لگا فَجْر میں بھائی گھر گھر پہ جاکر                                               ذرا دل لگا کر ’’صدائے مدینہ‘‘

(وسائلِ  بخشش مُرمّم،ص۳۶۹)

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!آئندہ زمانے میں سَر اُٹھانے والے فِتنوں کے بارے میں ایک حدیث شریف میں یہ مضمون بھی موجود ہے کہ زُہد و تقویٰ رِوَایتی اور بَناوَٹی ہو کر رہ جائے گا،چنانچہ

زُہد و تقویٰ روایتی اور بناوٹی ہوگا

ہمارے پیارے نبی،مکی مدنیصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے فرمایا:قِیامت قائم نہ ہوگی یہاں تک کہ زُہْد رِوَایتی اور تقویٰ بَناوَٹی طور پر رہ جائے گا۔(حلیة الاولیاء،حسان بن ابی سنان، ۳/۱۴۱،حدیث:۳۴۷۳)

علّامہ عَبْدُ الرَّءُوْف مُناوِی رَحْمَۃُ اللہِ تَعَالٰی عَلَیْہ اِس حدیثِ پاک کی شَرْح میں فرماتے ہیں:’’قِصَّہ گو اور وَعْظْ گو کی طرح لوگ صالِحِیْن(نیک لوگوں)کے زُہْد و تَقْویٰ کی روایتیں ایک دوسرے کو سُناسُنا کر روئیں