اپنی شفاعت کی بشارت(خوشخبری) عطافرمائی ہے ،چنانچہ

مدینۂ طیبہ کی تکالیف پر صَبْر کی فضیلت

       رسولِ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا:جوشخص اِرادۃً میری زیارت کو آیا وہ قِیامت کے دن میری حفاظت میں رہےگا،جوشخص مدینے میں رِہائش اِختیارکرےگا اور مدینےکی تکالیف پر صَبْرکرےگا تو میں قِیامت کےدن اُس کی گواہی دوں گااوراُس کی شَفاعت کروں گااورجوشخص حَرمَین(یعنی مکے،مدینے)میں سے کسی ایک میں مرے گا،للہ پاک  اُس کو اِس حال میں قَبْر سےاُٹھائے گاکہ وہ قِیامت کےخَوْف سےاَمْن میں رہے گا۔(مشکاۃالمصابیح،۱/۵۱۲،حدیث  ۲۷۵۵)

تمنّا ہے فرمایئے روزِ محشر   یہ تیری رہائی کی چِٹھی ملی ہے

شفاعت کرے حشر میں جو رضاؔ کی   سِوا تیرے کس کو یہ قدرت ملی ہے         

                                                                                                                                                                                                                                                                                                (حدائقِ بخشش،ص۱۸۸)

          مختصر وضاحت:یعنی میری یہ آرزو ہے کہ روزِ محشر  آپ یہ ارشاد فرمائی کہ اے میرے اُمتی! تُو کیوں پریشان ہورہاہے تیری  نجات کا پروانہ میرے پاس ہے یہ لے اور جنت میں داخل ہوجا۔آپ کے علاوہ کس کی مجال ہے کہ میدانِ محشر میں رضاؔ کی شفاعت کرے کیونکہ وہاں شفاعت کے دُولہا تو آپ ہی ہوں گے۔

      میٹھے میٹھے اسلامی بھائیو!عاشقانِ رسول کے لئے راہ ِمدینہ کا ہر کانٹا بھی پھول کی طرح ہے لہٰذا  سَفرِ مدینہ کے دوران اگر کوئی پریشانی آجائے،کوئی تنگ کرے،دھکّہ دے ،خلافِ مزاج بات کہہ  دے، اچانک کوئی زمینی یا آسمانی آفت آجائے تو اِس موقع پر بے صَبْری کرنا،آہ و بُکا کرنا،اُلجھنا،بدلہ لینا اور شکوے شکایات کرنا بہت بڑی محرومی کا سبب بن سکتا ہے۔یوں ہی جتنا عرصہ مدینۂ پاک کی فضاؤں میں گزرے تو کوشش کیجئے کہ ادب و تعظیم کا دامن ہاتھوں سے چُھوٹنے نہ پائے۔

          اَلْحَمْدُلِلّٰہ عَزَّ  وَجَلَّ اللہ  والے مدینۂ پاک کا بہت زیادہ ادب واحترام بجالاتے ہیں۔آئیے!ایک