دیکھ ! محبوب  کی  گلی کی  ہر ہرچیزعمدہ ہے ۔ (بہارِمثنوی ،۱۲۸ماخوذاً)

محفوظ سدا رکھنا شہا! بے ادَبوں سے                                                                                                                    اور مجھ سے بھی سرزد نہ کبھی بے ادَبی ہو

(وسائل بخشش مرمم،ص۳۱۵)

                صَلُّوْا عَلَی الْحَبیب!                                    صَلَّی اللّٰہُ تَعَالٰی عَلٰی مُحَمَّد

                میٹھےمیٹھےاسلامی بھائیو!مدینے جانے والوں کی قسمت کا ستارہ عُروج پرہوتا ہے،اُن کےنصیب چمک رہے ہوتےہیں،وہ سعادتوں کی معراج کو پہنچ جاتے ہیں،اُن کی خوشی دیکھنے والی ہوتی ہے ،اُن پررحمتِ الٰہی کی چھماچھم بارشیں برستی ہیں اورایسا کیوں نہ ہو کہ روضَۂ اَنور کی زیارت کا جام پینے والے خوش نصیبوں کو تو نبیِّ پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اپنی زبانِ حقِّ تَرْجُمان سے شفاعت کا پروانہ عطا فرمایا ہے ،چنانچہ

شفاعت واجب ہوجاتی ہے

       رسولِ اکرم،شفیعِ مُعظمصَلَّی اللّٰہُ تَعَالٰی عَلَیْہِ واٰلِہٖ وَسَلَّمَنےفرمایا:مَنْ زَارَقَبْرِیْ وَجَبَتْ لَہٗ شَفَاعَتِیْ یعنی جس نےمیری قَبْرکی زیارت کی اُس کےلئےمیری شفاعت واجب ہوگئی۔( دار قطنی،کتا ب الحج ، ۲/ ۳۵۱، حدیث: ۲۶۶۹)

       سُبْحٰنَ اللہ عَزَّ  وَجَلَّ !ذراسوچئے تو سہی!وہ  کیساعظمتوں اور برکتوں والامقام ہےکہ جس کی زیارت کریں توشفاعت کی خیرات ملے،وہاں رہیں  تو برکتیں عطا ہوں اور اگر وہیں دم نکل جائے تو شفاعت کا وعدہ ہے۔امامِ عشق و مَحَبَّت،اعلیٰ حضرترَحْمَۃُ اللّٰہ ِتَعَالٰی عَلَیْہلکھتے ہیں:

طیبہ میں مَر کے ٹھنڈے چلے جاؤ آنکھیں بند

سیدھی سڑک یہ شہرِ شفاعت نگر کی ہے

                                                                                                                                                                                (حدائق بخشش،ص۲۲۲)