”مجلسِ تراجم“

میٹھےمیٹھےاسلامی بھائیو!غمِ مدینہ میں بے قرار رہنے اور مدینے کی یادوں کا اَسیر بننے کے لئے عاشقانِ رسول کی مَدَنی تحریک دعوتِ اسلامی کے ساتھ وابستہ رہئے اور عَمَلی طور پر خدمتِ  دِین  کو اپنا اوڑھنا بچھونا بنالیجئے۔ اَلْحَمْدُ لِلّٰہ عَزَّ  وَجَلَّ دعوتِ اسلامی کم و بیش104شعبہ جات میں نیکی کی دعوت کی دھومیں مچانے میں مصروفِ عمل ہے،اِنہی میں سےایک”مجلسِ تَراجِم“بھی ہے،جس نے اِنتہائی کم عرصے میں اَمیرِاَہلسُنّت دَامَتْ بَرَکَا تُہُمُ  الْعَالِیَہاورمکتبۃُ المدینہ کی کُتُب و رَسائل کا دنیا کی مختلف زَبانوںمَثَلاً انگلش،عَرَبی، فارِسی،فِرِنچ،جَرمن، چائنیز،اَٹالین،رَشین،ہِندی،گُجراتی اورسِندھی کے علاوہ کم وبیش37زبانوں میں ترجمہ کرنے کی خدمت سَراَنْجام دے رہی ہے تاکہ اُردو پڑھنے والوں کےساتھ ساتھ دنیا کی دیگر زبانیں بولنے والے کروڑوں لوگ بھی فیضیاب ہوسکیں۔اَلْحَمْدُ لِلّٰہ عَزَّ  وَجَلَّ  مجلسِ تراجم کی تمام کُتب و رسائل دعوتِ اسلامی کی ويب سائٹ www.dawateislami.net پر موجود ہیں،اِس کے عِلاوہ ”مَدَنی بُکس لائبریری “ کے نام سے موبائل ایپلی کیشن بھی  ہے، جس کی مدد سے آپ کُتب ورسائل کا نہ صِرْف خود مطالَعہ کر سکتے ہیں بلکہ  اپنے دوست و اَحباب کو اِس ایپلی کیشن کا لِنک(Link) شئیر کرکے  ثوابِِ جاریہ کا سامان بھی کرسکتے ہیں ۔

اللہ کرم ایسا کرے تجھ پہ جہاں میں

اے دعوتِ اسلامی تِری دھوم مچی ہو

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

مدینۂ طیبہ کے بابَرَکت مقامات

میٹھےمیٹھے اسلامی بھائیو!مرکزِ عُشّاق یعنی میٹھا میٹھا مدینہ سارے کا سارا نور بار ہے اور آج بھی  جگہ بہ جگہ مختلف دل کُشاں مساجد اور ضیابار مقاماتِ مُقَدَّسہ اپنی برکتیں لُٹارہے ہیں۔مشہور مُحَدِّث حضرت علّامہ شَیْخ عبدُالحق مُحَدِّث دِہْلَویرَحْمَۃُ اللّٰہ ِتَعَالٰی عَلَیْہ نےعشق ومَستی میں ڈُوب کرکتنی پیاری بات