قدردانی تو کوئی ان اللہ والوں سے  سیکھے جو ماہِ غُفران میں  کثرت کیساتھ تلاوتِ قرآن  کے عادی تھے، ہمیں چاہئے کہ ماہِ رمضان میں کثرت سے تلاوتِ قرآن کی نیت کریں اور رب عَزَّ  وَجَلَّ کے اس مہمان کااحترام کرتے ہوئے خوشی خوشی اس کا استقبال کریں۔اَلْحَمْدُ لِلّٰہ عَزَّ  وَجَلَّجب رمضان شریف کا مہینااپنی بہاریں لٹاتاہوا تشریف لاتا ہے توشيخِ طريقت،امیر اہلسنت بانیِ دعوتِ اسلامی حضرت علامہ مولانا ابوبلال محمد الیاس عطار قادری رضوی  دَامَتْ بَـرَکاتُہُمُ الْعَالِیَہ  کی خوشی کا عالم دیکھنے والاہوتا ہے۔ آپ   کے جذبات کی عکاسی ان اشعار سے ہوتی ہے :

مرحبا صَد مرحبا پھرآمدِ رمضان ہے         کھِل اٹھے مُرجھائے دل تازہ ہُوا ایمان ہے

ہم گنہگاروں پہ یہ کتنا بڑا اِحسان ہے         یاخدا تُونے عطا پھرکردیا رَمَضان ہے

ہر گھڑی رَحْمت بھری ہے ہرطرف ہیں برکتیں           ماہِ رمضاں رحمتوں اور برکتوں کی کان ہے

یاالہٰی! تُو مدینے میں کبھی رمضاں دِکھا      مدّتوں سے دل میں یہ عطار کے ارمان ہے

صَلُّوْا عَلَی الْحَبِیْب!                                                  صَلَّی اللّٰہُ تَعَالٰی عَلٰی مُحَمَّد

یاد رہے!رمضانُ المبارک کو نیکیوں میں گزارنے اور اسے” خوش آمدید“ کہنے کا طریقہ یہ بھی ہے کہ ہماس ماہِ مبارک میں بالخصوص مدنی قافلوں میں سفر کے ذریعے مسلمانوں کونیکی کی دعوت دیں،بُرائی سے منع کریں،ماہِ رمضان المبارک کے فضائل بتا کراِنہیں فرض روزے رکھنے کامدنی ذہن دیں،خوب خوب اِنفرادی کوشش کریں گویا ہماری اجتماعی و اِنفرادی کوشش سے کیےجانے والے ”اِستقبالِ رمضان“کی ایسی برکتیں ظاہر ہوں کہ ہر طرف روزوں کی مدنی بہاریں آ جائیں۔مدنی قافلے کے جدول میں بھی”فیضانِ رمضان“سے مسجد وچوک درس وغیرہ کا سلسلہ ہو،اس سے بھی کئی عاشقانِ رسول تک ماہِ رمضان کے فرض روزوں اوردِیگر عبادات کی دعوت پہنچے گی،مکتبۃ المدینہ کے مطبوعہ پمفلٹ” رمضان میں گناہ کرنے والے کا بھیانک انجام“گھر گھر تک پہچانے کی کوشش کریں،زہے