Book Name:Ramadan Ko Khushamdeed kehiye
(۲)جِتنی اَچّھی نیّتیں زِیادہ،اُتنا ثواب بھی زِیادہ۔
نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گا۔٭ضَرورَتاً سِمَٹ سَرَک کر دوسرے کے لئے جگہ کُشادہ کروں گا۔٭دھکّا وغیرہ لگا تو صبر کروں گا، گُھورنے، جِھڑکنے اوراُلجھنے سے بچوں گا۔٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ وغیرہ سُن کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا۔٭ بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!رمضانُ المبارک کی آمد آمد ہے،ماہِ رَمَضَان کےفَیضَان کےکیا کہنے!اِس کی توہر گھڑی رَحمت بھری ہے۔اِس مہینے میں اَجْر و ثَوا ب بَہُت بڑھ جاتا ہے،نَفْل کا ثواب فَرض کےبرابر اور فَرْض کا ثواب ستّر (70)گُنا کردیا جاتا ہے۔اس ماہِ مُبارک کا ہردن اور ہر رات اپنے اندر بے شُمار بَرَکتیں سمیٹے ہوتاہے ،اللہعَزَّ وَجَلَّ ہمیں اس ماہِ مُبارک کا خوب خوب فیضان لُوٹنے کی توفیق عطافرمائے،اے کاش!ہم سارےروزےظاہری و باطنی آداب کے ساتھ رکھنےاور خشوع و خضوع کے ساتھ فرض نمازیں،نوافل ونمازِ تراویح ادا کرنے میں کامیاب ہوجائیں،تلاوتِ قرآنِ کریم کا خوب جذبہ نصیب ہوجائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ
رمضان المبارک میں نیکیوں کی ترغیب پر مشتمل امیر المومنین حضرت سَیِّدُنا فاروقِ اعظم رَضِیَ اللہُ تَعَالٰی عَنْہُ کاایمان افروز خطبہ سُنئے اور خوب خوب نیکیاں کرکےرمضان المبارک کو خوش آمدید کہنے کی تیاری شروع کردیجئے ،چنانچہ