رَحْمَۃُ اللّٰہ ِتَعَالٰی عَلَیْہنے بارگاہِ رسالت میں عرض کی،حُضور! میرے ماں باپ آپ پر قُربان ہوں، کس کا اِنتظار ہے ؟سیِّدِ عالم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا:”ہمیں اَحمد رضا کااِنتظار ہے۔“شا می بُزُرگ رَحْمَۃُ اللّٰہ ِتَعَالٰی عَلَیْہ نے عرض کی، حُضُور ! اَحمد رضا کون ہیں؟ ارشاد ہوا:ہندوستان میں” بریلی“ کے باشِندے ہیں۔بیداری کے بعد وہ شامی بُزُرگ رَحْمَۃُ اللّٰہ ِتَعَالٰی عَلَیْہ مولانا احمد رضا رَحْمَۃُ اللّٰہ ِتَعَالٰی عَلَیْہ کی تلاش میں ہندوستان کی طرف چل پڑے اور جب وہ بریلی شریف آئے تو اُنہیں معلوم ہوا کہ اُس عاشِقِ رسول کا اُسی روز (یعنی 25 صَفرُالمُظفَّر ۱۳۴۰ھ کو) وِصال ہوچُکا تھا،جس روز اُنہوں نے خواب میں سرورِ کائنات صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو یہ کہتے سنا تھا کہ’’ہمیں احمد رضا کا انتظار ہے۔‘‘

یا الٰہی جب رَضا خوابِ گِراں سے سر اُٹھائے       دولتِ بیدارِ عِشْقِ مُصطفٰے کا ساتھ ہو^([1])

صَلُّوْا عَلَی الْحَبِیْب!                               صَلَّی اللّٰہُ تَعَالٰی عَلٰی مُحَمَّد

کتاب”ملفوظاتِ اعلیٰ حضرت“ کا تعارف

میٹھے میٹھے اسلامی بھائیو!امامِ عشق و مَحَبَّت،اعلیٰ حضرترَحْمَۃُ اللّٰہ ِتَعَالٰی عَلَیْہ کی مَحَبَّت دل میں پیدا کرنے،آپ کے عِشْقِ رسول  میں سے حِصّہ پانے اور اِرْشادات سے رہنمائی حاصل کرنے کیلئےدعوتِ اسلامی کے اِشاعتی اِدارے مکتبۃُ المدینہ کی مطبوعہ 568 صفحات پر مشتمل کتاب ”ملفوظاتِ اعلیٰ حضرت“  کا مُطالعہ نہایت مُفید ہے۔یہ کتاب شہزادۂ اعلیٰ حضرت،تاجدارِ اہلسنّت ،حُضُور مُفتیِ اَعْظَم ہِند مولانا مُصْطَفٰی رضا خانرَحْمَۃُ اللّٰہ ِتَعَالٰی عَلَیْہ کی تالیف کی ہوئی وہ کتاب ہے، جس میں آپ رَحْمَۃُ اللّٰہ ِتَعَالٰی عَلَیْہ  نے اعلیٰ حضرت کےعِلم و حِکمت اور عِشْقِ رسول سے بھرپُور اِرشادات کو جمع فرمایا ہے۔اَلْحَمْدُ لِلّٰہ عَزَّوَجَلَّ اِس کتاب میں شریعت کے اَحْکام،طریقت کے آداب،نبیِ اَکْرم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ اور صحابۂ کرامرَضِیَ اللہُ تَعَالٰی عَنْہُم کے فضائل ومناقِب،سَلاطِیْنِ اِسلام کے تذکرے،عُلُوم وفُنُون سے لگاؤ رکھنے