سے، اوّلاً صِرف بیانات کی آڈیو کیسٹیں جاری کی گئیں اور پھر اللہعَزَّ  وَجَلَّکے فَضْل و کرم اور رسولِ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  کی نظرِ عنایت سے ایسی تَرَقّی نصیب ہوئی کہ آڈیوکیسٹوں سے اپنے کام کا آغاز کرنے والے اِدارے مکتبۃُ المدینہ کے تَحْت آج بابُ المدینہ (کراچی) میں باقاعدہ پریس (Press)اور وی سی ڈیز(VCDs) مکتب قائم ہیں، جو اس شُعبے سے مُتَعَلِّق  ہر قسم کی جَدید سَہولیات وضَروریات سے آراستہ ہیں۔اس مُخْتَصَر عرصے میں مکتبۃُ المدینہ سے جہاں سُنَّتوں بھرے بیانات ا ور مدنی مُذاکَرات کی لاکھوں لاکھ کیسٹیں اور وی سی ڈیز(VCDs) دُنیا بھر میں پہنچیں اور پہنچ رہی ہيں، وہیں اَعْلیٰ حضرت رَحْمَۃُ اللّٰہ ِتَعَالٰی عَلَیْہ،امیرِ اَہلسُنَّت دَامَتْ بَـرَکاتُہُمُ الْعَالِیَہ اوردیگر عُلَمائے اَہلسُنَّتکَثَّرَہُمُ اللہُ تَعَالٰی کی کتابیں بھی شائِع ہوکر کثیر تَعداد میں عوام کے ہاتھوں میں پہنچ کر سُنَّتوں کو زِنْدہ کرنے کا سبب بن رہی ہیں۔اللہ عَزَّوَجَلَّ دعوتِ اسلامی کے تمام شُعْبہ جات بَشمول مکتبۃُ المدینہ کو دن گیارھویں رات بارھویں تَرقّی عطا فرمائے۔ اٰمِیْن بِجَاہِ النَّبِیِّ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

اللہ کرم ایسا کرے تجھ پہ جہاں میں               اے دعوتِ اسلامی تیری دُھوم مَچی ہو

صَلُّوْا عَلَی الْحَبِیْب!                               صَلَّی اللّٰہُ تَعَالٰی عَلٰی مُحَمَّد

بَیان  کا خُلاصہ

میٹھے میٹھے اسلامی بھائیو!

·       اَعلیٰ حضرترَحْمَۃُ اللّٰہ ِتَعَالٰی عَلَیْہ کا سینہ،عِشْقِ مُصطفٰے کا گنجینہ تھا،آپ کے ملفوظات،فتاویٰ جات اور نعتیہ اَشعار سے عِشْقِ مصطفٰے کی کرنیں پُھوٹتیں۔

·        آپ رَحْمَۃُ اللّٰہ ِتَعَالٰی عَلَیْہ پرحُضُورِ اکرم،نُورِ مجسم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کا بہت زِیادہ فَضْل و کرم تھا ،حتّٰی کہ دُوسری بار سَفرِمدینہ کے موقع پر سرورِ عالَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَنےحالتِ بیداری میں اپنے دِیدار کا جام بھی پِلایا۔