1.    تمہارے اسلام کا پورا ہونا یہ ہے کہ تم اپنے مالوں کی زکوٰۃ ادا کرو۔^([1])

2.    جو اللہ(عَزَّ  وَجَلَّ )اور اُس کے رسول( صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)پر ایمان رکھتا ہو، اُسے لازِم ہے کہ اپنے مال کی زکوٰۃ ادا کرے ۔“ ^([2])

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

)2(رحمتِ اِلٰہی کی  برسات

    زکوٰۃ دینے والے کو دوسری سَعَادَت یہ ملتی ہے کہ اس پر رحمتِ اِلٰہی کی چَھما چَھم بارش ہوتی ہے چنانچہ پارہ9،سُوْرَۃُ الْاَعْرَاف، آیت نمبر156میں ہے :

وَ رَحْمَتِیْ وَ سِعَتْ كُلَّ شَیْءٍؕ-فَسَاَكْتُبُهَا لِلَّذِیْنَ یَتَّقُوْنَ وَ یُؤْتُوْنَ الزَّكٰوةَ وَ الَّذِیْنَ هُمْ بِاٰیٰتِنَا یُؤْمِنُوْنَۚ(۱۵۶) (پ۹، الاعراف:۱۵۶)

تَرْجَمَۂ کنز الایمان : اور میری رحمت ہر چیز کو گھیرے ہے تو عنقریب میں نعمتوں کو اُن کے لئے لکھ دوں گا جو ڈرتے اور زکوٰۃ دیتے ہیں ۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

)3(تقویٰ وپرہیزگاری کا حصول

    زکوٰۃ دینے کا تیسرا(3) فائدہ یہ ہے کہ اس سے تقویٰ حاصل ہوتا ہے ۔چنانچہ قُرآنِ پاک میں پارہ1،سُوْرَۃُ الْبَقَرَہ،آیت نمبر3میں مُـتَّـقِـیْنکی علامات میں سے ایک علامت یہ بھی بیان کی گئی ہے :