والد کا نام(ابوقحافہ) عُثمان ہے۔ (صحیح ابن حبان،کتاب اخبارہ صلی اللہ علیہ وسلم  عن مناقب الصحابہ، ذکر السبب الذی من اجلہ ۔۔۔الخ، ۹/۶،حدیث: ۶۸۲۵)آپ رَضِیَ اللّٰہُ تَعَالٰی عَنْہُ  کی کُنْیَتْ ابُوبَکْر ہے،واضح رہے کہ آپ اپنے نام سے نہیں بلکہ  کُنْیَتْ سے مشہور ہیں، نیز آپ کی اس  کُنْیَتْ کی اتنی شُہْرَت ہے کہ عَوَامُ النَّاس اِسے آپ کااصل نام سمجھتے ہیں حالانکہ آپ کا نام عبدُاللہ ہے۔(سیرت حلبیہ، ذکر اول الناس ایمانابہ،  ۱/۳۹۰)آپ رَضِیَ اللہُ تَعَالٰی عَنْہُکے دو لقب زیادہ مشہور ہیں ”عَتِیْق“ اور”صِدِّیْق“ نیز عتیق وہ پہلالقب ہے کہ اسلام میں سب سے پہلے اس لَقَب سےآپرَضِیَ اللہُ تَعَالٰی عَنْہُ کوہی مُلَقَّبْکیاگیا۔(ریاض النضرۃ،الباب الاول،الفصل الثانی فی ذکراسمہ،۱/۷۷)

دنیامیں تشریف آوری

آپرَضِیَ اللہُ تَعَالٰی عَنْہُ عَامُ الْـفِیْلکے اَڑھائی سال بعداورسرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمَکی وِلَادَت کے دو سال اور چند ماہ بعدپیداہوئے۔  (الاصابۃ  ، ۴/۱۴۵، تاریخ الخلفاء،ص۲۴، نور العرفان، پ۲۶، الاحقاف: ۱۵)

آپرَضِیَ اللہُ تَعَالٰی عَنْہُکی جائے پَرْوَرِش مَکَّهٔ مُکَرَّمَه ہے، آپ صرف تِجَارت کی غرض سے باہر تشریف لے جاتے تھے، اپنی قوم میں بڑے مالدار بامُرَوَّت، حُسنِ اَخْلَاق  کے مالک اور نہایت ہی عزّت و شَرَف والے تھے۔ (اسد الغابۃ،باب العین، عبد اللہ بن عثمان ابوبکر الصدیق،  ۳/۳۱۶، تاریخ الخلفاء، ص۲۴)

صَلُّوْا عَلَی الْحَبِیْب!                                                                              صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!یوں تو سَیِّدُنا صِدِّیْقِ اَکْبَر  رَضِیَ اللہُ تَعَالٰی عَنْہُ ہر اِعتِبَار سے اَشْرَف و اَعْلیٰ ہیں،اِمامت ہو یا خِلافت، کَرامت ہو یا شَرَافت، صَدَاقت ہو یا شُجَاعت ،اَلْـغَرَضْکسی بھی اِعتِبار سے کوئی آپ کاثانی نہیں  اور آپ اتنی با بَرَکت اور بَرگُزِیْدَہ شخصیّت ہیں کہ آپ کی مبارک زندگی کے جس