میٹھے میٹھے اسلامی بھائیو!سب سے پہلے اسلام قبول کرنے والاقُریش کا یہ خوش نصیب  شخص کوئی اور نہیں بلکہ خَلیْفَۂ اَوَّل،صِدِّیْقِ اَکْبَر،یارِ غار،اَمِیْرُ المُؤمنین حضرتِسَیِّدُنا ابُوبَکْر صِدِّیْق رَضِیَ اللّٰہُ تَعَالٰی عَنْہُ   تھے۔آیئے !عالَمِ اسلام کی اس عظیم شخصیّت کے بارے میں مزیدسننےسے پہلے عاشقِ صحابہ و اہلِ بیت، حضرتِ علامہ مولانا محمد الیاس عطؔار قادری رضوی ضیائی دامت برکاتہم العالیہ کی لکھی ہوئی منقبت کے چند اشعار پڑھتے سنتے ہیں۔

یقیناً مَنبعِ خوفِ خدا صِدّیقِ اکبر ہیں              حقیقی عاشقِ خیرُالوریٰ صدّیقِ اکبر ہیں

نہایت مُتقی و پارسا صِدّیقِ اکبر ہیں              تقی ہیں بلکہ شاہِ اَتقیا صِدّیقِ اکبر ہیں

جو یارِ غار محبوبِ خدا صدّیقِ اکبر ہیں            وُہی یارِ مزارِ مصطَفٰے صدّیقِ اکبر ہیں

امیرالمومنیں ہیں آپ امامُ المسلمیں ہیں آپ     نبی نے جنّتی جن کو کہا صدّیقِ اکبر ہیں

عمر سے بھی وہ افضل ہیں وہ عثماں سے بھی ہیں اعلیٰ        یقیناً پیشوائے مُرتَضٰی صدّیقِ اکبر ہیں

امامِ احمد و مالِک، امامِ بُو حنیفہ اور                  امامِ شافِعی کے پیشوا صدّیقِ اکبر ہیں

تمامی اولیاءُ اللہ کے سردار ہیں جو اُس          ہمارے غوث کے بھی پیشوا صدّیقِ اکبر ہیں

سبھی عُلَمائے اّمّت کے، امام و پیشوا ہیں آپ       بِلاشک پیشوائے اَصفیا صدّیق اکبر ہیں

نہ ڈر عطؔار آفت سے خدا کی خاص رحمت سے       نبی والی ترے، مُشکل کُشا صدّیقِ اکبر ہیں

صَلُّوْا عَلَی الْحَبِیْب!                                                                                                 صَلَّی اللّٰہُ تَعَالٰی عَلٰی مُحَمَّد

آپ رَضِیَ اللّٰہُ تَعَالٰی عَنْہُ  کا نام کُنْیَتْ اور القاب

میٹھے میٹھے اسلامی بھائیو!حضرتِسَیِّدُنا ابُوبَکْرصِدِّیْق رَضِیَ اللّٰہُ تَعَالٰی عَنْہُ   کا نام عبدُاللہ اور