مِرآۃُ الْمناجیح میں لکھتے ہیں : ”عُلَماء فرماتے ہیں کہ اب بھی حُضُورصَلَّی اللّٰہُ تَعَالٰی عَلَیْہِ واٰلِہٖ وَسَلَّمَاپنے خاص خُدَّام کو اُن کے مرتے وقت کَلِمہ پڑھانے تَشْرِیْف  لاتے ہیں،ایسے لوگ(بھی ) دیکھے گئے(ہیں)جنہوں نے مرتے وَقْت حُضُورصَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی تَشْرِیْف  آوری کی خبرحاضِرین کو دی، خُود بسترِ مَرْگ پر اُٹھ کھڑے ہوئے ،حاضِرین سے کہا،تَعْظیم کرو، حُضُور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  آگئے۔“(مرآۃ ، ج۲، ص ۴۲۶) کاش ہم گُناہگاروں پر بھی کرم ہوجائے اور مرتے وَقْت  جلوۂِ مُصْطفےٰ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی جھلک نصیب ہوجائے ۔

یہ عرض گنہگار کی ہے شاہِ زمانہ              جب آخِری وَقت آئے مجھے بُھول نہ جانا

سکرات کی جب سختیاں سرکار ہوں طاری     لِلّٰہ! مجھے اپنے نظاروں میں گُمانا

ڈر لگتا ہے ایماں کہیں ہو جائے نہ برباد        سرکار بُرے خاتمے سے مجھ کو بچانا

جب روح مِرے تن سے نکلنے کی گھڑی ہو     شیطانِ لعیں سے مِرا ایمان بچانا

جب دم ہو لبوں پر اے شَہَنشاہِ مدینہ         تم جلوہ دکھانا مجھے کلمہ بھی پڑھانا

آقا مِرا جس وَقت کہ دم ٹُوٹ رہا ہو          اُس وَقت مجھے چہرۂ پُرنور دِکھانا

سرکار! مجھے نَزع میں مت چھوڑنا تنہا         تم آ کے مجھے سورۂ یاسین سُنانا

                                                                           (وسائلِ بخشش ، ص ۳۵۲)

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ

بَیَان کاخُلاصہ:

        میٹھے میٹھے اسلامی  بھائیو! ہم نے سُنا کہ موت کی سختیاں کس قدر دردناک ہیں کہ ہزاروں سال تک اس کی سختی اور تلخی نہیں جاتی، آہ! موت کی سختیوں کی حقیقت اور اُس وقت دل میں پیدا ہونے والا