صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ

موت کی کڑواہٹ :

دعوتِ اسلامی کے اِشاعتی اِدارے مکتبۃ ُالمدینہ کی مطبوعہ 649 صفحات پر مُشْتمل کتاب ”حکایتیں اور نصیحتیں “کے صفحہ 553 پر ہے : حضرتِ سیِّدُنا عیسیٰ رُوْحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام ،حضرتِ سیِّدُنا نوح نَجِیُّ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام کے بیٹے حضرتِ سیِّدُناسام رَحْمَۃُ اللّٰہ ِتَعَالٰی عَلَیْہ  کی قَبْر سے گُزرے تو بنی اِسْرائیل نے عَرْض  کی:’’اے رُوْحُ اللہ(عَلَیْہِ الصَّلٰوۃُ وَالسَّلَام)! اللہعَزَّ  وَجَلَّ   کی بارگاہ میں دُعا فرمائیں کہ وہ اس قَبْر والے کو زِنْدہ کرے تاکہ ہم اِس سے موت کا تَذکرہ سُنیں۔‘‘چُنانچہ حضرتِ سیِّدُنا عیسیٰ رُوْحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام نےاس قَبْر کےقریب دورَکعت نماز اَدا کرنے کے بعداللہعَزَّ  وَجَلَّ    سے حضرتِ سَیِّدُناسام بن نوح رَحْمَۃُ اللّٰہ ِتَعَالٰی عَلَیْہ کو زِنْدہ کرنے کی دُعا کی تو اللہعَزَّ  وَجَلَّ    نے اُنہیں زِنْدہ فرما دیا۔ وہ سَر سے مٹی جھاڑتے ہوئے کھڑے ہوگئے، ان کے سَر اور داڑھی کےبال سفید تھے۔حضرتِ سیِّدُناعیسیٰ رُوْحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام نے اِسْتِفْسارفرمایا:یہ سفیدی تو تمہارےزَمانے میں نہیں تھی۔ اُنہوں نے فرمایا: یَا رُوْحَ اللہ عَلَیْہِ السَّلَام ! میں آواز سُن کرسمجھا کہ قِیامت قائم ہو چکی ہے، اِس کے خوف سے میرے سر اور داڑھی کے بال سفید ہو گئے۔حضرتِ سیِّدُناعیسیٰ رُوْحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام نے پوچھا: تمہارے اِنتقال کوکتناعَرصہ ہوا؟اُنہوں نے بتایا: چارہزارسال۔مگر اب تک موت کی سختی اور کڑواہٹ مجھ سے نہیں گئی۔ (حکایتیں اور نصیحتیں ۵۵۳)

عَطاکرعافیّت تُونَزع و قَبْر و حَشْر میں یارَبّ     وَسیلہ فاطمہ زَہرا کا کر لُطف و کرم مَولیٰ

                                                                                                                (وسائلِ بخشش ، ص ۹۸)

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ