Naza ki Sakhtiyan

Al Quran Books Madani Channel

Magazine Courses Media

منہ دکھانے کا نہیں اور سحر عام دربار ہے کیا ہونا ہے

(حدائقِ بخشش، ص۱۶۷)

صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّدٍ

موت آکر ہی رہے گی

میٹھے میٹھے اسلامی بھائیو!اس بات میں کوئی شک نہیں کہ موت بَر حق ہے ۔ یہ ایک ایسی حقیقت ہے کہ جس کا اِنکار مُمکن نہیں ۔ ہر وہ ذِی رُوْح کہ جس نےزِنْدگی کا جام پی لیا ہے، اس نے موت کا پیالہ بھی پینا ہے۔ اَمیر ہو یا غریب، بادشاہ ہو یا وزیر، چوکیدار ہو یا دُکاندار،پروفیسر ہو یا اَن پڑھ، عالِم ہو یاغیرِ عالِم، پیر ہو یا فقیر ، مُسلم ہو یا غیرمُسلم، جس بھی حیثیَّت کا حامِل کوئی انسان ہے،اسے ضَرورموت کا سامنا کرنا پڑے گا۔ موت ہر ایک کو آنی ہےاس سے فَرار مُمکن نہیں۔ ہم دُنیا کے کسی بھی گوشے میں پہنچ جائیں اور موت سے بچنے کیلئے جتنے بھی جَتَن کر لیں لیکن موت سے ہر گزپیچھا نہیں چُھڑا سکتے۔ قرآنِ پاک میں یہی مضمون کئی مَقامات پربیان ہوا ہے۔چُنانچہ پارہ 4آلِ عمران کی آیت نمبر 185میں اِرْشاد ہوتا ہے۔ (كُلُّ نَفْسٍ ذَآىٕقَةُ الْمَوْتِؕ-) تَرْجَمَۂ کنز الایمان:ہرجان کوموت چکھنی ہے۔(پارہ ۴، آلِ عمران ۱۸۵) مُفسّرِ شہیر،حکیمُ الاُمَّت، مُفْتی احمد یارخان عَلَیْہِ رَحْمَۃُ الْحَنَّان اس آیتِ مُبارَکہ کے تَحت فرماتے ہیں: اِنسان ہوں یا جنّ یا فِرِشْتہ ، اللہ عَزَّ وَجَلَّ کے سِوا ہر ایک کو موت آنی ہے اور ہر چیز فانی ہے۔( نور ُالعرفان ،ص۱۱۷)جبکہ ایک اورمقام پرارشاد ہوتا ہے :

اَیْنَ مَا تَكُوْنُوْا یُدْرِكْكُّمُ الْمَوْتُ وَ لَوْ كُنْتُمْ فِیْ بُرُوْجٍ مُّشَیَّدَةٍؕ- (پارہ ۵، النساء ۷۸)

تَرْجَمَۂ کنز الایمان:تم جہاں کہیں ہو موت تمہیں آلے گی اگرچہ مَضْبُوط قَلعوں میں ہو ۔

Important

Mobile Apps

Contact Us