ہوئے تو مُلَاحظہ کیا، کالے کپڑوں میں مَلْبُوس ایک سِیاہ فام شَخْص ہے، جس کے بال کھڑے ہیں ،اُس سے بَدبُو آرہی ہے، اُس کے مُنہ اورنَتھْنوں (نَتھْ۔نوں) سے آگ اور دُھواں نکل رہا ہے۔(یہ دیکھ کر) حضرتِ سیِّدُنا ابراہیم عَلٰی نَبِیِّنَاوَعَلَیْہِ الصَّلٰوۃُ وَالسَّلَام پر بے ہوشی طاری ہو گئی۔ جب ہوش آیا تو مَلَکُ الْمَوْت عَلَیْہِ السَّلَام اپنی اَصْل حَالَت پرآچکے تھے۔ حَضْرتِ سَیِّدُنا ابراہیم عَلٰی نَبِیِّنَاوَعَلَیْہِ الصَّلٰوۃُ وَالسَّلَام نے فرمایا : ”اے مَلَکُ الْمَوْت (عَلَیْہِ السَّلَام)! مَوْت کے وَقْت صِرْف تمہاری صُوْرت دیکھنا ہی فاسِق وفاجِر کے لئے بہت بڑاعَذاب ہے۔(حکایتیں اور نصیحتیں، ص۵۴۸)

جاں کَنی کی تکلیفیں ذَبْحْ سے ہیں بڑھ کر کاش!       مُرْغْ بن کے طَیْبہ میں ذَبْحْ ہوگیا ہوتا

کاش! کہ میں دُنیا میں پیدا نہ ہُوا ہوتا          قَبْر و حَشْرْ کا ہر غم خَتْم ہوگیا ہوتا

                                                                                              (وسائلِ بخشش ، ص ۲۵۶)

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ

بُرےخاتمے کا خوف کس پر۔۔؟

میٹھے میٹھے اسلامی  بھائیو! آپ نے سنا کہ  جنابِ مَلَکُ الْمَوْت عَلَیْہِ السَّلَاموَقْتِ نَزَ عْ  کیسی ہَیْبَتْ نَاک صُورت میں آ ئیں گے؟ کہ سَیِّدُنا ابراہیم عَلٰی نَبِیِّنَاوَعَلَیْہِ الصَّلٰوۃُ وَالسَّلَام جَلِیْلُ الْقَدْر پَیْغَمْبر ہونے کے باوُجُود بھی آپ عَلَیْہِ السَّلَامکی صُورت دیکھ کربے ہوش ہوگئے، ذرا سوچئے! کہ ہم جیسے سِیاہ کار جو گُناہوں کے دَلْدَل میں دَھنْسے ہوئے ہیں اورنیِکیوں سےبالکل عَارِی ہیں اورہمارا اِیمان اتنا کَمزور ہے کہ ہم گُناہوں سے اپنا پیچھا نہیں چھُڑاپاتے، ذراسوچئے! کہ وَقْتِ نَز ْعْ جبکہ مَوْت کی تکلیفیں بھی ہوں گی، شیطان بھی ہمیں وَرْغَلَانے کی پوری کوشش کر رہا ہوگا، حضرتِ مَلَکُ الْمَوْت عَلَیْہِ السَّلَام کا سامنا بھی کرنا ہوگا۔ اُس نَازُک وَقْت میں ہم اپنے ایمان کی حِفاظَت کیسے کر پائیں گے؟