بَوَقْتِ نَزْعْ سلامت رہے مِرا ایماں         مجھے نصیب ہو تَوْبہ، ہے اِلْتِجا یارَبّ

                                                                                            (وسائلِ بخشش، ص۸۷)

مَکْتَبۃُ المدینہ کی مَطْبُوعہ 911 صَفْحات پرمُشْتَمِل کتاب  اِحْیاءُالْعُلُوم جلد 4 کے صفحہ نمبر 219 تا 221 پر حُجَّۃُ  الْاِسْلَام  حضرتِ سَیِّدُنا امام محمد بن محمد غَزالی عَلَیْہِ رَحْمَۃُ اللہِ الْوَالِی نصیحت کرتےہوئے فرماتے ہیں:بُرے خاتمے سے اَمْن چاہتے ہو تو اپنی ساری زِنْدگی اللہ عَزَّ  وَ جَلَّ کی اِطاعت میں بَسَر کرو اور ہر ہر گُناہ سے بچو، ضَروری ہے کہ تم پر عارِفین جیسا خوفِ(خدا عَزَّ  وَجَلَّ )غالِب رہے، حتّٰی کہ اِس کے سبب تمہارا رونا دھونا طویل ہو جائے اور تم ہمیشہ غَمْگِیْن رہو۔

 مَزید فرماتے ہیں: تمہیں اچّھے خاتِمے کی تَیّاری میں مَشغول رہنا چاہیے۔ ہمیشہ ذِکْرُاللہ میں لگے رہو، دل سے دُنیا کی مَحَبَّت نکال دو، گُناہوں سے اپنے اَعْضاء بلکہ دِل کی بھی حِفاظَت کرو، جس قَدَر مُمْکِن ہو بُرے لوگوں کو دیکھنے سے بھی بچو کہ اِس سے بھی دل پر اَثَر پڑتا ہے اور تمہارا ذِہن اُس طرف مائل ہو سکتا ہے۔ (احیاء العلوم ج۴ ص ۲۱۹۔۲۲۱ مُلَخّصاً)

بنادے مجھے نیک نیکوں کا صَدۡقہ      گُناہوں سے ہر دَم بچا یاالٰہی

مُسلماں ہے عطاؔر تیری عطا سے                                       ہو اِیْمان پر خاتِمہ یا الٰہی

                                                                (وسائلِ بخشش، ص ۷۸)

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ

میٹھے میٹھے اسلامی بھائیو ! واقِعِی نَزْ  عْ کی سختیاں شَدِیْد تر ہیں،لیکن اُس وَقْت اگر کَرَ م ہوجائے اور پیارے آقا،حبیبِ کبریا،میٹھے میٹھے آقاصَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی جَلْوہ گری ہوجائے تو اِنْ شَآءَاللہعَزَّ  وَجَلَّمَوْت کی تمام سَخْتِیاں آسان ہوجائیں، مُفتی اَحمد یار خان نعیمی عَلَیْہِ رَحمَۃُ اللّٰہ ِالْقَوِی