(صحیح البخاري،کتاب فضائل القرآن،باب خیرکم ...الخ،الحدیث۵۰۲۷،ج۳،ص۴۱۰)

اَلْحَمْدُ لِلّٰہ عَزَّ  وَجَلَّقُرآنِ پاک سیکھنے سِکھانے کی ضَرورت و اَہَمیَّت کے پیشِ نَظر قرآنِ پاک کی تَعْلِیْمات کو عام کرنے کیلئے دعوتِ اسلامی کے تَحْت اسلامی بھائیوں کیلئے عُمُوماً بعد نمازِ عشاء مُختلف مَسَاجِد وغیرہ میں ہزارہا مدرسۃُالمدینہ بالِغان کی تَرکیب ہوتی ہے اوراسلامی بہنوں کے لئے مُختلف مَقامات و اَوْقات میں ہَزارہا مدرسۃُالمدینہ بالِغات کی ترکیب ہوتی ہے،اسلامی بھائی اسلامی بھائیوں سے اور اسلامی بہنیں اسلامی بہنوں سے پڑھتی ہیں، حُرُوف کی دُرُسْتْ اَدائیگی کے ساتھ قرآنِ کریم سیکھنے کے ساتھ ساتھ مُختلِف دُعائیں یادکرتے،نمازکے مسائل سیکھتے اورسُنَّتوں کی مُفْت تَعْلِیْم حاصل کرتے ہیں۔ لہٰذا آپ بھی اپنی دُنیا و آخرت کی بھلائی کے لئے  مدرسۃُالمدینہ بالِغان میں ضَرور شِرکت فرمائیں۔آئیے تَرْغِیْب کے لئے ایک مَدنی بہار سُنئے۔چُنانچہ،

بابُ الْاِسْلام(سندھ) کے مشہور شہرزَم زَم نگر(حیدر آباد) کے مُقیم اسلامی بھائی (عُمر تقریباً 28سال)کا بیان ہے :میں نَویں کلاس میں پڑھتا تھا اور حُصُولِ دُنیا کی جُسْتجو میں مگن تھا ۔ میرے علاقے کے اسلامی بھائیوں سے میری راہ ورسم بڑھی تو وہ مُجھے نیکی کی دعوت دے کر مَسْجد لے گئے۔ جب میں نَماز پڑھ کر مَسْجد سے نکلنے لگا تو ایک خَیْرخَواہ اسلامی بھائی (جو مَسْجد کے دروازے کے قَرِیْب کھڑے تھے )نے مجھ سے دَرْس میں شِرکَت کی اِلْتِجاکی ۔ میں دَرْسِ فَیْضانِ سُنَّت میں بیٹھ گیا ۔ یہ میری دعوتِ اسلامی سے رَفاقَت کی اِبْتِدا تھی۔پھر میں نے اسلامی بھائیوں کی اِنْفِرادی کوشش سے مدرسۃُ المدینہ (بالِغان ) میں پڑھنا شُروع کردیا ۔ہفتہ وار سُنَّتوں بھرے اِجْتماع میں شِرکَت کی، جہاں میرے جَذبے کو مدینے کے 12 چاند لگ گئے۔ چَنْد ہفتوں بعد امیرِ اَہلسُنَّت دَامَتْ بَـرَکاتُہُمُ الْعَالِیَہ   کا بیان بَذریعہ ٹیلیفون ریلے ہوا۔ جسے تمام شُرکائے اِجْتماع نے بڑے غور سے سُنا ۔بیان کے بعد امیرِ اہلسُنَّت دَامَتْ بَـرَکاتُہُمُ الْعَالِیَہ  نے اجتماعی توبہ اور بیعت کروائی تو میں بھی عطّاری بن گیا ۔ پھر جُوں جُوں وَقْت گُزرتا گیا میں مَدَنی ماحول میں رَچْتا بَسْتا گیا ۔