کرنا چاہیے کہ اِنْ شَآءَ اللہعَزَّ  وَجَلَّ آئندہ ہماری کوئی نَماز قَضا نہیں ہوگی۔آئندہ ہم پابندی کے ساتھ نمازِ با جماعت کا اِہتِمام کریں گے۔۔۔بلکہ آج تک  جتنی نَمازیں قَضا ہوئی ہیں،سچی توبہ کرکے انہیں اَدا کریں گے۔اِنْ شَآءَ اللہ عَزَّ  وَجَلَّ

بے نَمازی کا دَرد ناک اَنْجام

میٹھے میٹھے اسلامی بھائیو!بے نَمازی کے دَرْد ناک اَنْجام کی کچھ جھلکیاں مُلاحظہ فرمائیں اور اِسْتِغْفار کریں، یاد رکھئے! بے نَمازی کا عمل برباد کر دیا جاتا ہے،ایک نَماز چھوڑنے کا بھی نُقْصان ایسا ہے گویا کہ انسان کا اَہْل و عَیال و مال سب کچھ ضائِع ہو گیا۔بے نَمازی کے لئے آئمۂ ثلاثہ عَلَیْہِمُ الرِّضْوَان   نے یہ حکم دیا ہے کہ اُسے بادشاہِ اسلام قَتل کروا دے جب کہ َاحْناف کے نزدیک بے نَمازی کی دُنْیوی شَرعی سزا یہ ہے کہ بے نَمازی کو قَیْد میں ڈال دیا جائے یہاں تک کہ وہ نَماز نہ پڑھنے سے توبہ کر لے۔ صحیح طورپر نَماز نہ پڑھنے والا خائِب و خاسِراور نا مُراد ہو گا۔وَقْت گُزار کر پڑھنے والے کی نَماز بوسیدہ کپڑے میں لپیٹ کر اُس کے مُنہ پر مار د ی جاتی ہے،جان بوجھ کر نَماز تَرک کرنے والا یعنی بے نمازی اللہ تَعَالیٰ کے ذِمّۂ  کرم سے نکل جاتا ہے،بے نَماز ی کو رَسُولِ ہاشمی،مکی مدنی صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے بَد بَخْت فرمایا،بے نَمازی ،زانی اور قاتِل سے بھی بڑا مُجْرم ہے، بے نَمازی بروزِ قیامت اللہ عَزَّ  وَجَلَّ سے اس حال میں ملے گا کہ اللہ عَزَّ  وَجَلَّ اُس پر غَضَب فرمائے گا،نَماز میں سُستی کرنے والے کو ناراضیٔ رَبِّ اکبر جَلَّ جَلالُہکی صُورت میں عالَمِ بَرزَخْ میں یہ سَزا دی جائے گی کہ اُس کا سَر پتھر سے بار بار تاقیامِ قیامت کُچلا جاتا رہے گا۔بے نمازی ،نماز ضائِع کرنے کی سَزا دُنیا میں پائے گا،نَزع میں پائے گا ،قَبْر میں پائے گا اور میدانِ مَحْشر میں پائے گا۔بروزِ قیِامت بے نَمازی برباد و رُسْوا ہو گا،بروزِ قِیامت بے نَمازی کے چہرے پر بطورِ سزا عبرت ناک، رُسْوا کُن تَحْریر لکھی ہو گی۔

    نَماز چھوڑنے پر بے نمازی کا نام جَہنّم کے اُس دروازے پر لکھ دیا جاتا ہے، جس سے وہ داخلِ