بے نَمازی رہیں کچھ نہ روزے رکھیں       اُن کو کس نے کہا؟ عاشِقانِ رَسُوْل

جو کہ گانے سُنیں فلم بِینی کریں      اُن کو کس نے کہا؟ عاشِقانِ رَسُوْل

بدنگاہی کریں،بَدکَلامی کریں       اُن کو کس نے کہا؟ عاشِقانِ رَسُوْل

کھائیں رِزقِ حَرام،ایسے ہیں بدلگام اُن کو کس نے کہا؟ عاشِقانِ رَسُوْل

جو سَتاتے رہیں،دِل دُکھاتے رہیں  اُن کو کس نے کہا؟ عاشِقانِ رَسُوْل

گالیاں جو بکیں،عیب بھی نہ ڈھکیں اُن کو کس نے کہا؟ عاشِقانِ رَسُوْل

داڑھیاں جو مُنڈائیں کریں غیبتیں          اُن کو کس نے کہا؟ عاشِقانِ رَسُوْل

کاش!عطارؔ کا طیبہ میں خاتمہ       ہو کرو یہ دُعا عاشقانِ رَسُوْل

                                                                                                                (وسائلِ بخشش ص 649)

میٹھے میٹھے اسلامی بھائیو! بات سمجھ میں آرہی ہے، نَماز تو واقعی بُرائیوں سے روکتی ہے،ہمیں چاہیے کہ اپنی نَماز کا جائزہ لیں۔ نَماز کی ظاہری اور باطنی سُنّتیں اور آداب سیکھ لیں۔ اپنے وُضو اور غُسل کو دُرُسْت کرلیں۔ اگر باطَہارت صحیح طور پر وضو کرکے خُشُوْع و خُضُوْع کے ساتھ اس کی تَمام تَر ظاہری و باطنی سُنَّتوں اورآداب کو مَلْحُوظ رکھ کر ہم نَماز پڑھیں گے تو ضَرور اس کے بَرَکات و ثَمَرات ظاہر ہوں گے اور واقعی ہماری ظاہِری اور باطِنی گُناہوں کی گَنْدگیاں اور آلودَگیاں دُور ہوجائیں گی اور ہم باشَرع، بارِیش ، نیک صُورت، نیک سِیرت مُسلمان بن جائیں گے اور ہمارا پورا کردار سُنَّتوں کا آئینہ دار بن جائے گا۔ اِنۡ شَاء اللہ عَزَّوَجَلَّ

ایک عَجیب و غریب واقِعہ:

” نَماز بُرائیوں سے بچاتی ہے۔“ کے ضِمْن میں ایک عجیب وغَرِیْب حِکایت سَماعت فرمائیے:ایک شخص ایک عورت پر عاشِق ہوگیا اور شب و روز اُس کے فِراق میں بے قَرار رہنے لگا، آخِر کار ہِمَّت کرکے اُس نے ایک چِٹّھی لکھی اور اپنے عِشْق کا اِظْہار کرتے ہوئے وِصال (مِلنے) کا طالب ہوا، وہ خاتُون نِہایَت ہی  شریف خاندان سے تَعلُّق رکھتی تھی۔چُنانچہ وہ اپنے زَبردستی کے ”عاشِق“ کی چِٹّھی پا کر