Zaban ka Qufle Madina

Al Quran Books Madani Channel

Magazine Courses Media

مُفَسّرِشہیر حکیمُ الْاُمَّت حضرت ِ مُفْتی احمد یار خان عَلَیْہِ رَحْمَۃُ الْحَنَّاناِس حدیثِ پاک کے تَحت فرماتے ہیں: ’’نَفْع نُقصان، راحت و آرام، تکالیف وآلام میں (اے زَبان!) ہم تیرے ساتھ وابَستہ ہیں اگر تُو خَراب ہو گی ہماری شامت آجاوے گی تو دُرُسْت ہو گی ہماری عِزّت ہو گی۔ خیال رہے کہ زَبان دل کی تَرجُمان ہے اس کی اچّھائی بُرائی دل کی اچّھائی بُرائی کا پتا دیتی ہے۔ ‘‘ (مراٰۃ، ۶/ ۴۶۵)

زَبان کی بے اِحتِیاطی کی آفتیں:

واقِعی زَبان اگرٹیڑھی چلتی ہے تو بعض اَوقات فَسادات بر پا ہوجاتے ہیں ،اِسی زَبان سے اگر کسی کوبُرا بھلا کہا اوراُس کو غصّہ آگیا تو بعض اَوقات قتل و غارَ ت گری تک نوبت پَہنچ جاتی ہے۔اِسی زَبان سے کسی مسلمان کوبِلااجازتِ شَرعی ڈانٹ دیا اور اُس کی دل آزاری کر دی تو یقیناًاس میں گُنہگاری اور جہنَّم کی حَقْداری ہے۔

دل کی سَخْتی کا اَنجام:

اللہ عَزَّ وَجَلَّہم پر رَحم فرمائے ہماری زبانو ں کو لگام نصیب کرے اور ہمارے دِلوں کی سَختی کو دُورفرمائے کہ سَخت دِلی فُحش گوئی کی عَلامت ہے جیساکہ اللہ عَزَّ وَجَلَّ کے پیارے نبی مکّی مَدَنی صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عبرت نشان ہے: فُحش گوئی سخت دِلی سے ہے اور سخت دِلی آگ میں ہے۔‘‘ (ترمذی، کتاب البروالصلہ،باب ماجاء فی الحیاءُ،۳/۴۰۶،حدیث:۲۰۱۶)

Important

Mobile Apps

Contact Us