صَلُّوا عَلَی الْحَبیب! صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو! خاموشی کی عادت بنانے کیلئے بیان کردہ طریقوں میں سے کسی ایک طریقے پر بھی پابندی سے عمل کرلیا جائے تو  اِنْ شَآءَ اللہ عَزَّ  وَجَلَّ فُضول گوئی سےچُھٹکارا مل جائےگا۔مگر اِبتداءً اس میں شیطان رُکاوٹیں ڈالے گا۔ کبھی گھر والےتوکبھی کوئی اور،کبھی خود ہی ایسا لگے گا کہ میں خاموش نہیں رہ سکتا،مگر ہمت نہ ہاریئے کوشش کرتےرہئے خوب جِدْوجُہْد کیجئے اِنْ شَآءَ اللہعَزَّ  وَجَلَّ ضَرور کامیاب ہوں گے۔مزید فُضول  گوئی کی آفات سے پیچھا چُھڑانے اور زبان کی حفاظت کا ذہن بنانے  کیلئے شیخِ طریقت ،امیرِاہلسنَّت دَامَتْ بَرَکاتُہُمُ الْعَالِیَہ  کی مایہ ناز کُتُب ’’کُفریہ کلمات کے بارے میں سوال جواب ‘‘اور ’’غیبت کی تباہ کاریاں ‘‘نیز مکتبۃُ المدینہ کی شائع کردہ کتاب اِحْیاءُ العلوم جلد 3 سے زبان کی آفات کا مُطالَعہ کیجئے ۔اِنْ شَآءَ اللہعَزَّ  وَجَلَّ مُفید معلومات کے ساتھ ساتھ  قُفلِ مدینہ کا ذِہن بھی بنے گا ۔   

صَلُّو ا عَلَی الْحَبِیب !  صلَّی اللہُ تعالٰی علٰی محمَّد

بیان کا خلاصہ :

       میٹھے میٹھے اسلامی بھائیو!آ ج کے بیان میں ہم نے زبان کی آفتوں کے بارے میں سُنا کہ زبان ایک بے لگام گھوڑے کی مانند ہے  اگر اس کو روکنے کی کوشش نہ کی جاۓ تو یہ انسان کو دُنیا وآخرت میں بھی  مُشکلات کا شکار کر سکتی ہے۔اس ضمن میں ہم نے سب سے پہلے  حضرت سَیِّدُنا عیسی رُوْحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام  کی نصیحت