۾ الله عَزَّوَجَلَّ جي نيڪ ٻانهن جو ذِڪرِ خَير ٿيندو آهي۔ حضرت سَيدُنا سُفيان بِن عُيينَه رَحْمَة اللّٰه ِتَعَالٰي عَلَيه فرمائن ٿا: عِنْدَذِکرِ الصّٰلِحِينَ تَنْزِلُ الرَّحْمَة يعني نيڪ ماڻهن جي ذِڪر جي وَقت رَحمتِ اِلٰهي نازل ٿيندي آهي۔(حلية الاولياء، سفيان بن عيينه،۷ / ۳۳۵ ، رقم: ۱۰۷۵۰)

 اچو! تَرغِيب طور هفتَيوار سُنَّتن ڀري اِجتِماع ۾ حاضِري جي هڪ مَدَني بَهار ٻڌو ۽ اِجْتِماع ۾ پابندي سان حاضِر ٿيڻ جي نِيت ڪري وٺو:

مَسخري جي تَوبَه

مَرڪزُ الاَولِيا لاهور جو هڪ اِسلامي ڀاءُ گُناهن ۽ غَفلتن جي وادِين ۾ گُم هو۔ هڪ اِسلامي ڀاءُ اُن کي دعوتِ اِسلامي جي هفتَيوار سُنَّتن ڀري اِجتِماع جي دَعوَت پيش ڪئي۔ هو ان جي دَعْوَت تي اِجتِماع ۾ پهچي ويو، ان کي گھڻوسٺولڳو، تنهنڪري ان پابندي سان وڃڻ شُرُوع ڪري ڇڏيو، نَمازن جي پابندي به شُروع ڪري ڇڏي ۽ عِمامو شريف به سَجائي ورتو، گھر جي ڪن ڀاتين سَختي سان مُخَالَفَت ڪئي پر مَدَني ماحول جي ڪشش ۽ عاشِقانِ رَسُول جو حُسنِ سُلُوڪ ان کي دعوتِ اِسلامي جي ويتر قريب ڪندو ويو، مڪتبة المدينه تان جاري ٿيندڙ سُنَّتن ڀرين بَيانن جون ڪيسٽون ٻڌڻ سان اميد وڌي ۽ حَوْصَلو ملندو ويو۔ اَلْحَمْدُ لِلّٰه عَزَّوَجَلَّ آهستَه آهسْتَه ان جي گھر ۾ به مَدَني ماحول بڻجي ويو۔

صَلُّوْا عَلَي الْحَبِيب!                                           صَلَّي اللّٰه تَعَالٰي عَلٰي مُحَمَّد