رسالي”پراسرارخزانه“جو تعارف:

هن رسالي ۾ يتيمن جي ديوار جوايمان افروز واقعو بيان ڪيو ويو آهي،7عبرت ناڪ عبارتون ڪهڙيون هيون،موت جو يقين هجڻ جي باوجود کلڻ ڪيئن؟جهنم جون خطرناڪ غذائون ڪهڙيون هونديون، عمده مڪان وارن جو انجام ڇا ٿيو، وڌيڪ  هي ته کائڻ جي 32 مدني گلن جو مهڪندڙ گلدستو به هن رسالي ۾ موجود آهي

 اڄ ئي مڪتبةُ المدينه تان هن رسالي کي هديةً حاصل ڪيو  پاڻ به پڙهو ۽ ٻين کي به پِڙهڻ جي ترغيب ڏياريو۔ هن رسالي کي دعوتِ اسلامي جي ويب سائٽ www.dawateislami.net تان رِيڊ (يعني پڙھي) به سگھجي ٿو، ڊاؤن لوڊ (Download) ۽ پرنٽ آؤٽ (Print Out) به ڪري سگھجي ٿو۔

صَلُّوْا عَلَي الْحَبِيب!                     صَلَّي اللّٰه تَعَالٰي عَلٰي مُحَمَّد

مٺا مٺا اسلامي ڀائرو! بيشڪ اها هڪ روشن حقيقت آهي ته جنهن سان عشق هوندو آهي ان سان نِسبَت رکندڙ هر شيء مثال طور مَحبوب جو گھر، ان جا در ۽ دِيوار، مَحبوب جو پاڙو گھٽي، ان جي آل،اَولاد وغيره سان به عقيدت ۽ مَحَبَّت جو تَعَلُّق قائم ٿي ويندو آهي۔ پوءِ ٿورو سوچيو ته جيڪو عشقِ نَبِي ۾ گُم هجي اهو رسول اڪرم صَلَّى اللهُ تَعَالٰى عَلَيْهِ وَاٰلِهٖ وَسَلَّمَ جي آل ۽ اَهلِ بَيت رِضْوَانُ اللّٰه ِتَعَالٰي عَلَيهم اَجْمَعِين يعني سيدن سان مَحَبَّت ڇو نه رکندو جو انهن حضرات سان مَحَبَّت رکڻ جو مُطَالَبو ته قرآنِ ڪريم به اسان کان فرمائي رهيو آهي، جيئن

سيپارو 25سُوْرَة الشُّوْرٰي جي آيت نمبر23 ۾ اِرشادِ خُداوَندي آهي: