خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

لو !گناہ گارو...!! وہ تم کو وہاں بھی نہ بُھولے

پیارے اسلامی بھائیو! اللہ پاک کے حُضُور ہونے والی وہ راز کی باتیں جن میں سے کچھ پیارے آقا  صَلَّی اللہ عَلَیْہِ وَ آلِہٖ وَ سَلَّم  نے اُمّت کو بتائیں، ان میں سے ایک روایت یہ بھی ہے کہ جب پیارے آقا، مکی مَدَنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  اللہ پاک کی بارگاہ میں حاضِر ہوئے تو رَبِّ کائنات نے فرمایا: مَحْبُوب ! جو چاہیں مانگ لیجیے! سُوال آپ کا، عطا ہماری ہو گی۔

اب محبوبِ خُدا  صَلَّی اللہ عَلَیْہِ وَ آلِہٖ وَ سَلَّم  نے مانگنا تو تھا مگر ذرا نازِ محبّت کا اِظْہار کیا، عرض کیا: *یا اللہ پاک! فرشتوں سے سجدہ تو حضرت آدم  عَلَیْہ ِالسَّلام  کو کروایا گیا ہے، میں اب کیا مانگوں؟ رَبّ کریم نے فرمایا: پیارے مَحْبُوب! اَصْل میں تو آپ کا نُور اُن کی پیشانی میں روشن تھا، اِسی لیے اُنہیں سجدہ کروایا گیا *عرض کیا: اِلٰہی! میں اب کیا مانگوں...!! بلند مقام پر تو حضرت ادریس  عَلَیْہ ِالسَّلام  کو فائِز فرمایا گیا ہے۔ ارشاد ہوا: مَحْبُوب! اُنہیں آسمانوں میں بلند مقام پر اِسی لیے رکھا گیا تاکہ آج کی رات وہ آپ کا اِستقبال کریں *عرض کیا: مولیٰ! حضرت نُوح  عَلَیْہ ِالسَّلام  کو نَجِیُّ اللہ بنایا جا چکا ہے۔ فرمایا: مَحْبُوب! انہوں نے آپ ہی کے وسیلے سے دُعا کی تھی، اِسی لیے اُن کی دُعا قبول کی گئی*عرض کیا: مولیٰ! خلیل تو حضرت ابراہیم  عَلَیْہ ِالسَّلام  کو بنایا گیا ہے؟ ارشاد ہوا: پیارے مَحْبُوب! آپ کا نُور ان کی پیشانی میں روشن تھا، اِسی لیے اُنہیں یہ مقامات عطا کیے گئے *عرض کیا: اے مالِکِ کریم! تُو نے کلیم تو حضرت موسیٰ  عَلَیْہ ِالسَّلام  کو بنایا ہے۔ فرمایا: مَحْبُوب ! انہیں طُور پہاڑ پر ہمکلامی کا شرف