آقاو  مولیٰ، مکی مَدَنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  نے کیا عرض کیا؟ سنیے! اَللّٰہُمَّ اَنْتَ وَ مَااَنَا اے اللہ پاک! ایک تُو ہی تو ہے میں نہیں ہوں  وَ مَا سِوٰی ذٰالِکَ تَرَکْتُ لِاَجَلِکَ اور اس کے عِلَاوہ جو کچھ ہے میں نے تیری رِضا کے لیے چھوڑ دیا۔^([1])

سُبْحٰنَ اللہ! یہ ہے میرے آقا  صَلَّی اللہ عَلَیْہِ وَ آلِہٖ وَ سَلَّم  کی شانِ عبدِیَّت اور کمالِ بندگی...!! محبوبِ ذیشان  صَلَّی اللہ عَلَیْہِ وَ آلِہٖ وَ سَلَّم  نے سب کچھ اپنے رَبّ کی رِضَا کے لیے چھوڑ دیا۔ ایک ہم ہیں *  ہم سے چند سکّے نہیں چھوڑے جاتے، نماز کے وقت 10منٹ کے لیے دُکان بند نہیں کر پاتے* نوکری (Job)کو بہانہ بنا کر نمازیں قضا کر دی جاتی ہیں * اللہ پاک کی رضا کے لیے نیند قربان نہیں ہو پاتی * اللہ پاک کی رضا کے لیے وقت نہیں دیا جاتا، نیک کاموں  کے لیے وقت نہیں نکال پاتے* اللہ پاک نے سُود خوروں کے ساتھ اِعْلانِ جنگ فرمایا ہے، کتنے ایسے ہیں جو لالچ میں آ کر سُودی لَیْن دَین میں جا پڑتے ہیں *گُنَاہ نہیں چھوڑتے *اللہ پاک کی نافرمانی سے ڈر کر موبائل(Mobile) اور سوشل میڈیا(Social media) کا غلط استعمال نہیں چھوڑ پاتے *خواب ہمارے بہت بڑے بڑے ہیں، بس ان کے پیچھے بھاگتے چلے جا رہے ہیں، کار بھی لینی ہے، کوٹھی بھی بنانی ہے، بینک بیلنس(Bank balance) بھی بڑھانا ہے، بڑے سے بڑا عہدہ بھی لینا ہے، نیک کاموں کے لیے وقت ہی نہیں ہے۔

کاش! ہم صحیح معنوں میں اللہ پاک کے بندے بن جائیں۔ اللہ پاک کی رضا والے کام کرنا ہماری زندگی کا مقصد بن جائے۔ کاش! بندگی کا ذوق نصیب ہو جائے۔اٰمِیْن بِجَاہِ