درست کیا ہے؟

(درست شرعی مسئلہ اور عوام میں مشہور غلط مسئلے کی نشاندہی)

مسئلہ:وُضو کے بعد کپڑے تبدیل کرنے سے وُضو نہیں ٹوٹتا۔

وضاحت: عوام میں مشہور ہے کہ کپڑے تبدیل کریں یا ستر کُھل جائے تو وُضو ٹوٹ جاتا ہے۔ ایسا نہیں ہے۔ وُضو کے بعد کپڑے اتارنے سے وُضو نہیں ٹوٹتا اور نہ سِتر کھلنے سے وُضو ٹوٹتا ہے، البتہ بلاوجہ سِتر کھولنا کہ لوگوں کی  نظر پڑے منع ہے۔^([1]) روایت میں ہے: مرد کے لیے ناف سے لے کر گُھٹنےکے نیچے تک سارا جسم ستر (یعنی چھپانے کی جگہ) ہے۔^([2])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

سفر میں تھکن سے حفاظت کاروحانی علاج^(وظیفہ)

یَاقُدُّوْسُ(اے نہایت پاک!)

جوکوئی دورانِ سفر یَاقُدُّوْسُ کا وِرد کرتا رہے گا، اِنْ شَآءَ اللہ الْکَرِیْم! تھکن سے محفوظ رہے گا ۔ ^([3])اللہ پاک عمل کی توفیق  عطا فرمائے۔اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد