پاس ہے، آپحکم دیجئے کہ اُس میں سے مجھے کچھ مل جائے۔  رحمتِ عالَم صَلَّی اللہُ  عَلَیْہِ وَاٰلِہٖ وَسَلَّمَ اُس کی طرف مُتَوجِّہ ہوئے اورمسکرا دئیے ،پھر اُسے کچھ مال عَطا فرمانے کا حکم دیا۔ (بخاری، ۲/۳۵۹، حدیث: ۳۱۴۹)

 3.رسولِ اکرم،نُورِ مُجسَّمصَلَّی اللہُ  عَلَیْہِ وَاٰلِہٖ وَسَلَّمَ پر لَبِیدبن اَعصَم نے جادُو کیا تورحمت ِعالَم صَلَّی اللہُ  عَلَیْہِ وَاٰلِہٖ وَسَلَّمَ نے اُس کا بدلہ نہیں لیا۔نِیز اس غیر مُسْلِمہ کو بھی مُعاف فرما دیا، جس نے آپ صَلَّی اللہُ  عَلَیْہِ وَاٰلِہٖ وَسَلَّمَ کو زہر دیا تھا۔(اَلْمَواھبُ اللَّدُنِّیَّۃ لِلْقَسْطَلَانِی ،ج:۲،ص:۹۱، )

4.غزوۂ اُحُد میں مدینے کے سُلطان،رحمتِ عالمیان صَلَّی اللہُ  عَلَیْہِ وَاٰلِہٖ وَسَلَّمَ کے مُبارَک دَندان كا كچھ کنارہ شہید اور چہرۂ  اَنور کو زخمی کر دیا گیا، مگر آپ صَلَّی اللہُ  عَلَیْہِ وَاٰلِہٖ وَسَلَّمَ نے ان لوگوں کے لئے اس کے سِوا کچھ بھی نہ فرمایا کہ اَللّٰھُمَّ اھْدِ قَوْمِیْ فَاِنَّھُمْ لَا یَعْلَمُوْنِ یعنی اے اللہ ! میری قوم کو ہِدایت دے ،کیونکہ یہ لوگ مجھے جانتے نہیں۔(الشّفا:۱/۱۰۵ ملتقطا،)

صَلُّو ْا عَلَی الْحَبِیْب!                                                                                                                 صَلَّی اللہُ  عَلٰی مُحَمَّد

آقا صَلَّی اللہُ  عَلَیْہِ وَاٰلِہٖ وَسَلَّمَ ظلم کا بدلہ نہ لیتے:

ہمارے پیارے آقا صَلَّی اللہُ  عَلَیْہِ واٰلِہٖ وَسَلَّمَہر ایک سے شَفقَت ومَحَبَّت سے پیش آتے، کبھی  اپنی ذات کیلئے غُصّہ نہ فرماتے، مگر جَب شَرعی حُدُود کوتوڑاجاتا اوراَحکامِ خُداوَندی سے منہ موڑا جاتا تو پیشانیِ اقدس پر جَلال کے آثار نُمایاں ہوجاتے۔چنانچہ

اُمُّ الْمُؤمِنِیْن حضرت عائشہ صِدِّیقہ طَیِّبَہ طاہِرہ رَضِیَ اللہُ  عَنْہَافرماتی ہیں: میں نے کبھی بھی رسولِ اَکرم،شاہِ بنی آدم صَلَّی اللہُ  عَلَیْہِ وَاٰلِہٖ وَسَلَّمکو اپنی ذات پر کئے گئے ظُلْم کابدلہ لیتے ہوئے نہیں دیکھا، جب تک اللہ  پاک کی مُقرر کردہ حُدُود کو نہ توڑا جائے اور جب اللہ  پاک کی مقررکردہ