ڈاؤن لوڈ فرمائیں، دوسروں کو بھی اس کی ترغیب دلائیں۔

صَلُّوا عَلَی الْحَبِیْب!                                               صَلَّی اللہُ تَعَالٰی عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت، شہنشاہِ نبوت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نےفرمایا: مَنْ اَحَبَّ سُنَّتِی فَقَدْ اَحَبَّنِی وَمَنْ اَحَبَّنِی كَانَ مَعِیَ فِی الْجَنَّةِ  جس نے میری سُنّت سے مَحبّت کی اس نے مجھ سے مَحبّت کی اور جس نے مجھ سے مَحبّت کی وہ جنّت میں میرے ساتھ ہو گا۔^([1])

سینہ تیری سُنّت کا مدینہ بنے آقا!      جنت میں پڑوسی مجھے تم اپنا بنانا

مُحَرّم شریف میں روزہ رکھنا سُنّت  ہے

فرمانِ مصطفےٰ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ :اَفْضَلُ الصِّیَامِ بَعْدَ رَمَضَانَ شَہْرُ اللہ  الْمُحَرَّم یعنی رمضان کے بعد سب سے اَفْضَل روزے ماہِ مُحَرَّم کے ہیں جو کہ اللہ  پاک کا مہینا ہے۔^([2])

پیارے اسلامی بھائیو!عاشورا  یعنی 10 مُحَرّم شریف  کا   روزہ سُنّت  مصطفےٰ ہے، حضرت عبد اللہ  بن عباس رَضِیَ اللہُ تَعَالٰی عَنْہُ  فرماتے ہیں:عاشورا یعنی 10 مُحَرّم شریف کو نبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے خود بھی روزہ رکھا اور اس کے رکھنے کا حکم بھی ارشاد فرمایا۔    ^([3])

روایات کے مُطَابِق:٭ مُحَرّم شریف کے ہر دن کا روزہ ایک ماہ کے روزوں کے برابر ہے۔^([4])٭ خصوصاً عاشورا کے روزے کے حوالے سے پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے