عَلیٰ لِسَانِ عُمَرَ وَ قَلْبِہٖ بےشک اللہ  پاک نے عمر کی زبان اور دِل پر حق رکھ دیا ہے۔^([1])٭ مکی مَدَنی  آقا، دو جہاں کے داتا صَلَّی اللہ  تَعَالٰی عَلَیْہِ وَاٰلِہٖ وَسَلَّمَ   نے فرمایا: عمر میرے ساتھ ہے، میں عمر کے ساتھ ہوں، میرے بعد عمر جہاں بھی ہو،  حق اِس کے ساتھ ہو گا۔^([2])

گلی سے اُن کی شیطاں دُم دبا کر بھاگ جاتا ہے        ہے ایسا رُعب، ایسا دبدبہ فاروقِ اعظم کا^([3])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

فاروقِ اعظم رَضِیَ اللہُ تَعَالٰی عَنْہُ  کی نصیحتیں

پیارے اسلامی بھائیو!  نصیحت کرنا سُنّتِ انبیا ہے اور نصیحت لینا صحابۂ کرام رَضِیَ اللہ  عنہم  کی سُنّت ہے۔ مسلمانوں کے دوسرے خلیفہ حضرت فاروقِ اعظم رَضِیَ اللہُ تَعَالٰی عَنْہُ   خُود بھی بڑے نیک، صالِح، مُتَّقی، پرہیزگار بلکہ پرہیزگاروں کے سردار، ولیوں کے سرداروں کے سردار ہیں، آپ دوسروں کو نیکی کی دعوت دے کر موقع کی مُنَاسبت سے نصیحت فرما کر سُنّتِ انبیا پر عَمَل بھی فرمایا کرتے تھے۔ آئیے! حضرت فاروقِ اعظم رَضِیَ اللہُ تَعَالٰی عَنْہُ  کی ایک بہت ہی پیاری نصیحت سُنتے  اور سمجھنے کی کوشش کرتے ہیں:

5افضل چیزیں

ایک مرتبہ آپ رَضِیَ اللہُ تَعَالٰی عَنْہُ  نے نصیحت کرتے ہوئے فرمایا:(1):رَاَیْتُ جَمِیْعَ الْاَخِلَّاءِ فَلَمْ اَرَ خَلِیْلًا اَفْضَلَ مِنْ حِفْظِ اللِّسَانِ یعنی میں   نے تمام دوست دیکھے لیکن زَبان کی حفاظت سے افضل کسی کو نہ پایا (2): رَاَیْتُ جَمِیْعَ اللِّبَاسِ فَلَمْ اَرَ لِبَاسًا اَفْضَلَ مِنَ الْوَرْعِ یعنی میں