مہر میں سے 3درہم لے، اس کا شہد خریدے، اس میں بارش کا پانی ملا کر پی لے اِنْ شَآءَ اللہُ الْکَرِیْم! شفا ہو گی۔^([1]) قربان جائیے! ہم سب کی اَمِّی جان اُمُّ البشر حضرت حوّا رَحمۃُ اللہِ علیہا کا تو حق مہر ہی درودِ پاک تھا، لہٰذا ہم درودِ پاک پڑھیں، اِنْ شَآءَ اللہُ الْکَرِیْم! اس میں ہمارے لئے شفا ہی شفا ہے۔

ہر درد کی دوا ہے صَلِّ علیٰ مُحَمَّد                                                      تعویذِ ہر بلا ہے صَلِّ علیٰ مُحَمَّد

قربِ خدا ہو حاصل جنت میں ہو وہ داخل               جس نے لکھا پڑھا ہے صَلِّ علیٰ مُحَمَّد

جنت مقام ہوگا دوزخ حرام ہوگا                                                       گر دل پہ لکھ لیا ہے صَلِّ علیٰ مُحَمَّد

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

قَالَ اللہُ تَبَارَکَ وَ تَعَالٰی (اللہ پاک جَلَّ شَانُہٗ فرماتا ہے):

وَ قُلْنَا یٰۤاٰدَمُ اسْكُنْ اَنْتَ وَ زَوْجُكَ الْجَنَّةَ وَ كُلَا مِنْهَا رَغَدًا حَیْثُ شِئْتُمَا۪-وَ لَا تَقْرَبَا هٰذِهِ الشَّجَرَةَ فَتَكُوْنَا مِنَ الظّٰلِمِیْنَ(۳۵) فَاَزَلَّهُمَا الشَّیْطٰنُ عَنْهَا فَاَخْرَجَهُمَا مِمَّا كَانَا فِیْهِ۪- پارہ:1، البقرۃ:35-36)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ ُ عَلَیْہِ وَ آلِہٖ وَسَلَّم

ترجمہ کنزُ العِرفان:اور ہم نے فرمایا: اے آدم! تم اور تمہاری بیوی جنت میں رہو اور بغیر روک ٹوک کے جہاں تمہارا جی چاہے کھاؤ البتہ اس درخت کے قریب نہ جانا ورنہ حد سے بڑھنے والوں میں شامل ہوجاؤ گے۔ تو شیطان نے ان دونوں کوجنت سے لغزش دی پس انہیں وہاں سے نکلوا دیا جہاں وہ رہتے تھے۔