Book Name:Zulf e Mustfa Ki Qasam
آپ جیسا کسی ماں نے اب تک جنا ہی نہیں ، آپ کو بےعیب پیدا کیا گیا گویا آپ کے رَبّ نے آپ کو ایسے بنایا ، جیسے آپ نے چاہا تھا۔
اورحسّانُ الہند (یعنی ہند میں حضرت حسّان بن ثابِت رَضِیَ اللہ عنہ کے فیضان یافتہ) امامِ اہلسنت ، شاہ امام احمد رضا خان رَحمۃُ اللہ عَلَیْہ نے کیسی پیاری بات کہی :
وہ کمالِ حُسْنِ حُضُور ہے کہ گمانِ نقص جہاں نہیں
یہی پُھول خار سے دُور ہے ، یہی شمع ہے کہ دُھواں نہیں([1])
وضاحت : میرے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا حُسْن ایسا باکمال و بےمثال ہے کہ اس میں کسی قسم کے نقص و عیب کا گمان تک موجود نہیں ہے ، یہی وہ نِرالا پُھول ہے جس کے ساتھ کوئی کانتا نہیں ، یہی وہ مبارک شمع ہے جس کے ساتھ دُھواں نہیں ہے۔
الحمد للہ! یہ بات بالکل واضِح اور بالکل صاف ہے کہ ہمارے آقا و مولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کو رَبّ کریم نے بےعیب رکھا ہے اور اتنا بےعیب رکھا ہے کہ آپ صَلَّی اللہ عَلَیْہِ وَ آلِہٖ وَ سَلَّم کے جسمِ پاک اور کپڑوں پر مکھی کو بھی بیٹھنے کی (اجازت) نہیں دی گئی۔ ([2])
بلکہ اس سے بڑھ کر آپ صَلَّی اللہ عَلَیْہِ وَ آلِہٖ وَ سَلَّم کی پاکیزگی اورکیا ہو گی کہ رَبِّ کائنات نے آپ صَلَّی اللہ عَلَیْہِ وَ آلِہٖ وَ سَلَّم کی سیرتِ پاک کو ، آپ صَلَّی اللہ عَلَیْہِ وَ آلِہٖ وَ سَلَّم کے پاکیزہ کردار کو ، آپ صَلَّی اللہ عَلَیْہِ وَ آلِہٖ وَ سَلَّم کی مبارک زندگی کو آپ کی نبوت اور سچّائی کی دلیل بنایا ہے۔ قرآنِ کریم میں ہے کہ جب کفّارِ مکہ نے آپ صَلَّی اللہ عَلَیْہِ وَ آلِہٖ وَ سَلَّم کی نبوت پراعتراضات