ہے کہ جیسے رات جب چھا جاتی ہے تو ہر چیز کو ڈھانپ لیتی ہے ،  ایسے آپ  صَلَّی اللہ عَلَیْہِ وَ آلِہٖ وَ سَلَّم  کی شانِ عفو و کرم گُنَاہوں کو ڈھانپ لیتی ہے (3) : اس کاتیسرا اور بہت ایمان افروز معنیٰ ہم نے یہ سُنا تھا کہ  ضُحٰی  سے مراد رُخِ مصطفےٰ  صَلَّی اللہ عَلَیْہِ وَ آلِہٖ وَ سَلَّم  ہے اور  وَالَّیْل سے مراد زُلْفِ مصطفےٰ  صَلَّی اللہ عَلَیْہِ وَ آلِہٖ وَ سَلَّم  ہے۔ ^([1])

ہے کلامِ اِلٰہی میں شمس و ضحےٰ ،  ترے چہرۂ نُور فزا کی قسم

قسمِ شبِ تار میں راز یہ تھا کہ حبیب کی زُلْفِ دوتا کی قسم! ^([2])

وضاحت : اے میرے نور والے آقا  صَلَّی اللہ عَلَیْہِ وَ آلِہٖ وَ سَلَّم ! قرآن مجید میں وَالشَّمْسِ اور  وَالضُحٰی   فرما کر اللہ پاک نےآپ کے چہرۂ انور کی قسم یاد فرمائی ہے اور وَالَّیْلِ  اِذَا سَجٰی فرما کر آپ کی پیاری پیاری زلفوں کی قسم یاد فرمائی ہے۔

آج ہم  اِنْ شَآءَ اللہ الْکَرِیْم ! ان 2 مبارک آیات کی کچھ مزید وضاحت سنیں گے اور اس کے ساتھ ساتھ رسولِ خُدا ،  احمدِ مجتبیٰ ،  مکی مدنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  کی زُلْفِ مبارک کا بھی ذِکْرِ خیر کریں گے۔

(1) : بےعیب محبوب کی قسم!

امام فخرالدین رازی  رَحمۃُ اللہ عَلَیْہ  فرماتے ہیں :  وَال ضُحٰی  اور وَالَّیْل سے آپ  صَلَّی اللہ عَلَیْہِ وَ آلِہٖ وَ سَلَّم  کا سِرّ اور اِعْلان بھی مراد لیا جا سکتا ہے۔^([3])

مطلب یہ کہ جب دِن چڑھتا ہے تو ہرچیزروشن روشن اور بالکل واضِح ہو جاتی ہے ،