شانوں (یعنی کندھوں) کو جھوم جھوم کر چومنے لگتیں۔ ^([1])

گوش تک سنتے تھے فریاد اب آئے تا دوش

کہ  بنیں  خانہ  بدوشوں  کو  سہارے  گیسو^([2])

وضاحت :  موئے مبارک جب کانوں تک تھے تو اس میں اشارہ تھا کہ اے اُمّتیو! یہ مبارک کان تمہاری فریاد سننے کے لئے ہیں ،  اب مبارک کندھوں تک تشریف لے آئے ،  اب گویا اشارہ دیتے ہیں کہ اے بےسہارا اُمّتیو! گھبراؤ نہیں ،  یہ مبارک کندھے تمہارے سہارے کے لئے ہیں۔

سراورداڑھی میں تیل ڈالتے

ہمارے پیارے آقا ،  مکی مدنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  اپنے سر مبارک اور داڑھی مبارک میں تیل ڈالتے ، کنگھا فرماتے ، بیچ سر میں مانگ نکالا کرتے تھے۔ حضرت انس بن مالِک رَضِیَ اللہ عنہ فرماتے ہیں :  اللہ پاک کے محبوب ، دانائے غُیُوب (غیب کی خبریں جاننے والے)  صَلَّی اللہ عَلَیْہِ وَ آلِہٖ وَ سَلَّم  سرِ اقدس میں اکثر تیل لگاتے اور داڑھی مبارک  میں کنگھی کرتے تھے اور اکثر سر مبارک پر کپڑا رکھتے ،  یہاں تک کہ وہ کپڑا تیل سے تَر رہتا تھا۔^([3])

شانہ ہے پنجۂ قدرت ترے بالوں کے لئے

کیسے ہاتھوں نے شہا! تیرے سنوارے گیسو^([4])

وضاحت :  رسولِ اکرم  صَلَّی اللہ عَلَیْہِ وَ آلِہٖ وَ سَلَّم  کے مبارک ہاتھوں کو رَبِّ کریم نے یدُاللہ