بھائیو !  گر خُدا کی رِضا چاہئے                                                                         آپ  پڑھتے  رہیں  باجماعت نَماز ^{( [1] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

پیارے اسلامی بھائیو ! * نَماز بہترین مددگار ہے * نَماز میں شِفا ہے * نَماز بُرائیوں سے روکتی ہے * نَماز کردار سنوارتی اور اَخْلاق کو نکھارتی ہے۔لہٰذا سچّی پکّی نیت کیجئے !  کہ آج کے بعد ہماری کوئی بھی نَماز قضا نہیں ہو گی ، روزانہ پانچوں نَمازیں مسجد میں باجماعت ادا کیا کریں گے ، چاند رات کو بھی نَماز یا جماعت چھوٹنے نہیں دیں گے۔اِنْ شَآءَ اللہ الْکَرِیْم !

فیضانِ نَماز کورس  کی ترغیب

پیارے اسلامی بھائیو ! ہم نے نَماز پڑھنی ہے ، لازمی پڑھنی ہےمگر یہ بھی خیال رہے کہ نَماز غلط نہیں پڑھنی ، درست ہی پڑھنی ہے ، اس میں بالکل بھی سُستی نہیں کرنی ، شاید دُنیا کا کوئی اَہَم کام ایسا نہیں ہے جو بغیر سیکھے کیاجاتا ہو ، ہر کام کی ٹریننگ لی جاتی ہے ،  پھر کِیاجاتا ہے ، یہاں تک کہ ہم نے بچپن میں سائیکل چلانا بھی سیکھی تھی ، پھر چلانے لگے تھے مگر افسوس !  ایک تعداد ایسی ہےجنہوں نے نماز سیکھی نہیں ، بس دیکھا دیکھی پڑھنا شروع کر دی اور آج تک ایسے ہی پڑھتے جا رہے ہیں۔

یاد رکھئے !  نماز کے متعلق ضروری اَحْکام و مسائِل سیکھنا ہر مسلمان پر فرض ہے۔ لہٰذا جن اِسلامی بھائیوں نے ابھی تک نماز باقاعِدہ سیکھی نہیں ہے ، وہ پہلی فُرصت میں نماز کے ضروری اَحْکام و مسائِل سیکھ لیجئے !  الحمد للہ !     دعوتِ اسلامی مسجد بھرو تحریک ہے ، دعوتِ اسلامی ہمیں وُضُو ،  غسل ، نماز ، اور دِین  کی اَہَم باتیں سیکھاتی بھی ہے اور ان پر عَمَل کرنے