وَجَدْتُّمْ حَلَّالَ الْمُشْکِلَاتاے میرے فرشتو ! تُم نے مشکلات حل فرمانے والے کو پا لیا ہے ، فَاسْئَلُوْااَشْکَالَکُمْ یعنی وہ مسائِل جنہیں تم حَل  ( Solve ) نہیں کر پا رہے ، آج میرے محبوب  صَلَّی اللہ عَلیہ وَآلہٖ و َسَلَّم سے وہ مَسَائِل پوچھ لو... ! !

فرشتوں کے 4مَسَائِل

پیارے اسلامی بھائیو ! فرشتوں کے وہ 4 مَسَائِل کیا تھے جن میں وہ 1000 سال سے غور و فِکْر کر رہے تھے؟ حدیثِ پاک میں ہے : جب اللہ پاک نے فرشتوں کوفرمایا کہ اے فرشتو ! آج ہمارے محبوب صَلَّی اللہ عَلَیْہِ وَ آلِہٖ وَسَلَّم سے اپنے مَسَائِل پوچھ لو تو سب سے پہلے حضرت اسرافیل عَلَیْہِ السَّلَام  نے عَرْض کیا : مَا الْکَفَّاراتُ یعنی ( یَارسولَ اللہ صَلَّی اللہ عَلَیْہِ وَ آلِہٖ وَسَلَّم ! )  کَفّارات  ( گُنَاہوں کو مٹانےوالی چیزیں )  کیا ہیں؟ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم نے فرمایا :  ( 1 ) : مشکل وقت  ( یعنی جب وُضُو کرنا دُشوار لگ رہا ہو ، مثلاً سخت سردی ہو ، اس وقت )  کامِل وُضُو کرنا ( 2 ) : نمازِ باجماعت کے لئے پیدل چل کر جانا  ( 3 ) : اور ایک نماز کے بعددوسری نماز کاانتظارکرنا۔

اب حضرت میکائیل عَلَیْہِ  السَّلَام  نے دوسرا مسئلہ عرض کیا : وَ مَا الدَّرَجَاتُ  ( یَارسولَ اللہ صَلَّی اللہ عَلَیْہِ وَ آلِہٖ وَسَلَّم ! )  درجات  ( بلند کروانے والے اَعْمَال )  کیا ہیں؟رسولِ اکرم ، نورِ  مُجَسَّمْ  صَلَّی اللہ عَلَیْہِ وَ آلِہٖ وَسَلَّم نے فرمایا :  ( 1 ) : اِطْعَامُ الطَّعَامِ کھانا کھلانا ( 2 ) : وَ اِفْشَاءُ السَّلَامِ سلام کو عام کرنا  ( 3 ) : وَ الصَّلَاۃُ بِاللَّیْلِ وَالنَّاسُ نِیَام رات کو جب لوگ سو رہے ہوں ، اس وقت نماز پڑھنا۔ ( یہ تین کام کرنے والے کے درجات بلند ہوتے ہیں ) ۔

فرشتوں کے 2 مسائِل حل ہو گئے ، اب حضرت جبریل امین عَلَیْہِ  السَّلَام  نے تیسرا مسئلہ پیش کیا : وَ مَا الْمُنْجِیَاتُ ( یَارسولَ اللہ صَلَّی اللہ عَلَیْہِ وَ آلِہٖ وَسَلَّم ! )  نجات دلانے والی چیزیں کیا ہیں؟