Farishta Sifat kaise Banein

مَعصُوموں کو ہے عُمْر میں صرف ایکبار بَار عاصی پَڑے رہیں تو صَلا عُمْر بھر کی ہے^{( ^[1] )}

وضاحت : ہمارے آقا و مولیٰ ، مکی مدنی مصطفےٰ صَلَّی اللہ عَلیہ وَآلہٖ و َسَلَّم کی یہ شان ہے کہ 70 ہزار فرشتے صبح کو اور 70 ہزار شام کو حاضِر ہو کر درودِ پاک کے نذرانے پیش کرتے ہیں ، شانِ رسالت کا کمال دیکھئے کہ جو فرشتے ایک بار حاضِر ہو گئے ، اب دوبارہ قیامت تک ان کی باری نہیں آئے گی۔ یہ فرشتے ہیں ، جنہیں صِرْف ایک ہی بار بارگاہِ رسالت میں حاضِری کی اجازت نصیب ہوتی ہے اور ہم غلاموں پر کرم نوازیاں کیا ہیں؟ کوئی ایک بار آئے ، چاہے ہزار بار آئے ، چاہے زِندگی بھر درِ مصطفےٰ صَلَّی اللہ عَلَیْہِ وَ آلِہٖ وَسَلَّم پر ہی پڑا رہے ، کوئی ممانعت ( Restriction ) نہیں ہے۔

اے عاشقانِ رسول ! یہ فرشتے ہیں ، جو اللہ پاک کے پیارے محبوب نبی ، رسولِ ہاشمی صَلَّی اللہ عَلیہ وَآلہٖ و َسَلَّم پر درودوں کے گجرے نچھاور کرتے ہیں ، کاش ! ہم غُلام بھی ہمت کریں ، اپنے آقا و مولیٰ ، مکی مدنی مصطفےٰ صَلَّی اللہ عَلیہ وَآلہٖ و َسَلَّم پر خوب کثرت سے درود شریف پڑھا کریں۔ اللہ پاک ہمیں عمل کی توفیق عطا فرمائے۔

آمِیْن بِجَاہِ خَاتَمِ النَّبِیّٖن صَلَّی اللہ عَلیہ وَآلہٖ و َسَلَّم ۔

ذِکْر و درود ہر گھڑی وِردِ زَباں رہے میری فُضُول گوئی کی عادَت نکال دو ! ^{( ^[2]
)}

صَلُّوا عَلَی الْحَبیب ! صَلَّی اللّٰہُ عَلٰی مُحَمَّد

بیان سننے کی نیتیں

حدیثِ پاک میں ہے : اَلنِّیَّۃُ الْحَسَنَۃُ تُدْخِلُ صَاحِبَہَا الْجَنّۃَ اچھی نیت بندے کو جنت میں داخِل کروا دیتی ہے۔^{( ^[3] )}

[1]... حدائقِ بخشش ، صفحہ : 220-221ملتقطاً۔

[2]...وسائل بخشش ، صفحہ : 305۔

[3]...مسند فِرْدَوس ، جلد : 4 ، صفحہ : 305 ، حدیث : 6895۔

Important

Mobile Apps

Contact Us