مَوجُودات صَلَّی اللہ عَلیہ وَآلہٖ و َسَلَّم نَمازِ اِشْرَاق کی فضیلت بیان کرتے ہوئے فرماتے ہیں : جو نَمازِ فجر باجَمَاعَت ادا کر کے ذِکْرُ اللہ کرتا رہے یہاں تک کہ سورج بلند ہو جائے پھر 2 رکعتیں پڑھے تو اسے حج و عمرہ کاثواب ملے گا۔ ^{( [1] )}   ( 2 ) : ابوداؤد شریف کی روایت میں ہے : جو شخص نمازِ فَجْر سے فارِغ ہونے کے بعد اپنے مُصلّے پر ( یعنی جہاں نَماز پڑھی وہیں )  بیٹھا رہے حتّی کہ اِشراق کے نَفْل پڑھ لے ، صِرف  بھلائی کی بات ہی کہے تو اُس کے گناہ بَخْش دیئے جائیں گے اگرچِہ سمندر کے جھاگ  ( Foam of sea ) سے بھی زیادہ ہوں۔ ^{( [2] )}   ( 3 ) : ترمذی شریف کی حدیثِ پاک میں ہے : جس نے چاشت کی 12 رکعتیں  پڑھیں ، اللہ پاک اس کے لئے  جَنَّت میں  سونے کا محل ( Palace of Gold )  بنائے گا۔ ^{( [3] )}  

بنادے مجھے نیک نیکوں کا صَدقہ          گناہوں سے ہردم بچا یاالٰہی !

عبادت میں گزرے مری زندگانی         کرم ہو کرم یاخدا یاالٰہی !

صَلُّوْا عَلَی الْحَبِیْب !                                                                   صَلَّی اللّٰہُ عَلٰی مُحَمَّد

 ( 4 ) : فرشتے نماز کے لئے جگاتے ہیں

اے عاشقانِ رسول ! فرشتوں کا ایک پیارا وَصْف یہ بھی ہے کہ فرشتے بندوں کو نماز کے لئے جگاتے ہیں۔ مُعْجَمِ ْاَوْسط میں حضرت عبد اللہ بن مسعود رَضِیَ اللہ عنہ سے روایت ہے ، رسولِ خُدا ، احمدِ مجتبیٰ  صَلَّی اللہ عَلیہ وَآلہٖ و َسَلَّم نے فرمایا : جب آدمی رات کو نماز کے لئے اُٹھنے کے ارادے  ( Intention ) سے سوتا ہے تو  ( اس کے اُٹھنے کے وقت )  فرشتہ آ کر کہتا ہے :