اچھا کلام اور ہر اچھا کام فرشتہ بن کر آسمان کی طرف بلند ہو جاتا ہے۔ ^{( [1] )}  * حدیثِ پاک میں ہے : رسولِ اکرم ، نُورِ  مُجَسَّمْ  صَلَّی اللہ عَلَیْہِ وَ آلِہٖ وَسَلَّم نے فرمایا : جو بندہ میری تعظیم کے لئے درودِ پاک پڑھتا ہے تو اللہ پاک اس درودِ پاک سے ایک فرشتہ پیدا فرماتا ہے ، اس کا ایک پَر مشرق  ( East ) میں اور دوسرا پَر مغرب ( West )  میں ہوتا ہے ، اس فرشتے کو حکم ہوتا ہے : جیسے بندے نے میرے نبی صَلَّی اللہ عَلیہ وَآلہٖ و َسَلَّم پر درود پڑھا ، تُو اس بندے پر درود بھیج ، پَس وہ فرشتہ قیامت تک اس بندے پر درود بھیجتا رہتا ہے۔ ^{( [2] )}  * علّامہ قرطبی رَحمۃُ اللہ عَلَیْہ فرماتے ہیں : جوشخص سورۂ بقرہ اور سورۂ آلِ عمران پڑھتا ہے تو اللہ پاک اس کے ثواب سے فرشتے بناتا ہے ، جو روزِ قیامت اس تلاوت کرنے والے کی شفاعت کریں گے ۔ ^{( [3] )}

معلوم ہوا : انسانوں کے نیک کام ، نیک کلام ، درود شریف پڑھنے اور تلاوت کرنے سے فرشتے پیدا ہوتے ہیں۔کاش ! ہم کثرت سے تلاوت کرنے والے ، کثرت سے درود شریف پڑھنے ، صرف وصرف اچھی باتیں کرنے اور نیک کام کرنے والے بن جائیں۔

آہ ! پلّے نہ کچھ تلاوت ہے                                                                                نہ دُرُودوں کی کوئی کثرت ہے

آہ ! عصیاں کی خُوب کثرت ہے                                                      یانبی !      التجائے      رحمت       ہے

ایسی عصیاں کی پڑگئی لت ہے                                                                  پھر وُہی بعدِ توبہ حالت ہے

آنکھ نم ہے نہ کچھ ندامت ہے                                                              آہ !     اعمال     کی     یہ     شامت       ہے ^{( [4] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد