بسم اللہ Sharif ki Barkat

Al Quran Books Madani Channel

Magazine Courses Media

پس اللہ پاک اس کی بَرَکت سے جن بلاؤں کوچاہے گادُورفرما دے گا۔^{( ^[1]
)}

پیارے اسلامی بھائیو ! جب بھی بیماری ، قرضداری ، مقدّمہ بازی ، بے رُوزگاری ( Unemployment ) یا کوئی سی بھی آفت آن پڑے ، کوئی چیز گم ہو جائے ، کسی کی بات سُن کر صدمہ ( Shock ) پہنچے ، کوئی مارے ، دِل دُکھ جائے ، ٹھوکرلگے ، گاڑی خراب ہو جائے ، ٹریفک جام ہو جائے ، کاروبار میں نقصان ہو جائے ، چوری ہو جائے اَلغرض چھوٹی یابڑی کوئی سی بھی پریشانی ہو بِسْمِ اللہ الرَّحْمٰنِ الرَّحِیْمِ وَلَاحَوْلَ وَلَاقُوَّۃَ اِلَّابِاللہ الْعَلِیِّ الْعَظِیْم پڑھتے رہنے کی عادت بنا لیجئے ! تو اِنْ شَآءَ اللہ الْکَرِیْم ! اس کی برکتیں نصیب ہوں گی ۔

شِفا تو اللہ پاک کے نام میں ہے

مفتی احمد یار خان نعیمی رَحمۃُ اللہ عَلَیْہ فرماتے ہیں : جو بیمار بِسْمِ اللہ پڑھ کر دوا پئے اِنْ شَآءَ اللہ الْکَرِیْم ! دوا فائدہ دے گی۔ ایک بار حضرت موسیٰ کلیمُ اللہ عَلَیْہِ السَّلَام کے پیٹ میں سخت درد ہوا ، اللہ پاک کی بارگاہ میں عَرْض کیا۔ ارشاد ہوا : جنگل کی فُلاں بُوٹی ( Herb ) کھاؤ ! آپ عَلَیْہِ السَّلَام نے کھائی اور فوراً آرام ہو گیا ۔کچھ دنوں بعد پھر وُہی بیماری ہوئی ، حضرتِ موسیٰ کلیمُ اللہ عَلَیْہِ السَّلَام نے پھر وُہی بُوٹی استِعمال کی مگر درد میں زیادَتی ہو گئی ! اللہ پاک کی بارگاہ میں عَرْض کیا : اِلٰہی ! یہ کیا رازہے ؟ دوا ایک تاثیر دو ، پہلی بار اس نے شِفا دی اور اس دَفْعَہ بیماری بڑھائی... ؟ ؟ ارشاد ہوا : اے موسیٰ ! پہلے بار تم میری طرف سے بُوٹی کے پاس گئے تھے اوراِس دَفْعہ اپنی طرف سے۔ اے موسیٰ ! شِفا تو میرے نام میں ہے ، میرے نام کے بِغیر دنیا کی ہر چیز زہرِ قاتِل ہے اور میرا نام ہی اِس کا علاج ( Treatment ) ہے۔^{( ^[2]
)}

[1]... عَمَلُ الْیَوْمِ وَاللَّیْلَۃِ لا بن سُنّی ، صفحہ : 149 ، حدیث : 337۔

[2]... تفسیرِ نعیمی ، پارہ : 1 ، سورۂ فاتحہ ، جلد : 1 ، صفحہ : 55 بتغیر قلیل۔

Important

Mobile Apps

Contact Us