وقت عزیزوں ، دوستو ں سے قصور معاف کروائیں اور جن سےمعافی طلب کی جائے ان پر لازم ہے کہ دل سے معاف کر دیں۔^([1]) * ہم جب بھی سفر پر روانہ ہوں تو ہمیں چاہئے کہ ہم اپنے اہل و مال کو اللہ  پاک کے حوالے کر کے جائیں  بلکہ ہو سکے تو اپنے گھر والوں کو ذیل کے کلمات کہہ کر سفر پر روانہ ہوں : اَسْتَوْدِعُکَ اللہ الَّذِیْ لَایُضِیْعُ وَدَائِعَہٗ  ترجمہ : میں تم کو اللہ پاک کے حوالے کرتا  ہوں جو سونپی ہوئی امانتو ں کو ضائع نہیں کرتا۔^([2])  * سفرِ تجارت کرنے والے اسلامی بھائیوں کو چاہئے کہ یہ  5 سورتیں پڑھ لیا کریں(1) : قُلْ یٰاَیُّھَاالْکٰفِرُوْنَ  آخِر تک(2) : اِذَا جَآءَ نَصْرُ اللہ وَالْفَتْحُ آخر تک(3) : قُلْ ھُوَ اللہ اَحَدٌ آخر تک(4) :  قُلْ اَعُوْذُ بِرَ بِّ الْفَلَقِ آخر تک(5) : قُلْ اَعُوْذُ بِرَ بِّ النَّاسِ آخرتک۔

مختلف سنتیں اور آداب سیکھنے کے لئے مکتبۃ المدینہ کی بہارِ شریعت جلد : 3 ،  حِصّہ : 16 اور امیر اہلسنت حضرت علامہ مولانا ابوبلال محمد الیاس عطار قادری رضوی دَامَتْ بَرَکَاتُہُمُ الْعَالِیَہ کی 91صفحات کا رسالہ  550 سنتیں اور آداب خرید فرمائیے اور پڑھئے! سنتیں سیکھنے کا ایک ذریعہ دعوتِ اسلامی کے مدنی قافلوں میں عاشقانِ رسول کے ساتھ سُنّتوں بھرا سفر بھی ہے۔

غم کے بادَل چَھٹیں قافلے میں چلو                 خوب خوشیاں ملیں قافلے میں چلو

رب کے در جُھکیں ،  اِلتِجائیں کریں                بابِ رحْمت کھلیں ،  قافلے میں چلو

اللہ پاک ہمیں عمل کی توفیق عطا فرمائے۔آمِیْن بِجَاہِ خَاتَمِ النَّبِیّٖن صَلَّی اللہ عَلیہ وَآلہٖ و َسَلَّم۔