Book Name:Hazrat Ibrahim Ki Qurbaniyan
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف (ترجمہ : میں نے سُنَّت اعتکاف کی نِیَّت کی)
فرمانِ مُصطفٰے صَلَّی اللہ عَلیہ وَآلہٖ و َسَلَّمہے : جسے یہ پسندہوکہ اللہ پاک کی بارگاہ میں پیش ہوتے وَقْت اللہ پاک اُس سےراضی ہو ، اسے چاہئے کہ مجھ پرکثرت سے دُرُود شریف پڑھے۔([1])
بیٹھتے ، اُٹھتے ، جاگتے ، سوتے ہو اِلٰہی مِرا شِعار دُرُود
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
اے عاشقانِ رسول! ماہِ ذُوالْحِجَّۃُ الْحَرام اپنی برکتیں لُٹا رہا ہے۔ یہ وہ مبارک مہینا ہے جس میں اللہ پاک کے پیارے نبی ، حضرت ابراہیم عَلَیْہِ السَّلَام نے اپنے صاحبزادے حضرت اسماعیل عَلَیْہِ السَّلَام کے ساتھ مل کر صَبر ورضا کا ایسا منظر پیش فرمایاکہ جس کی مثال نہیں ملتی۔آئیے! ان مبارک ہستیوں کا ذکرِ خیر سننے کی سعادت حاصل کرتے ہیں :
حضرت ابراہیم عَلَیْہِ السَّلَام کا مختصر تعارف
آپ علیہ السّلام کا نام مبارک ابراہیم ہے۔اِبْراہیم سُریانی زبان کا لَفْظ ہے۔اس کےمعنیٰ ہیں اَبٌ رَحِیْمٌ ( یعنی مہربان باپ)چُونکہ آپ بچوں پر بہت مہربان تھے۔نِیز مہمان نَوازی اور