چاہئے۔بالفرض ! اگر ہم کسی مُصِیْبَت کا شکار ہوبھی جائیں ،  تَب بھی واویلا مَچانے کے بَجائے خُود کو ملنے والے ثوابِ عظیم کی طرف نظر کرنی چاہئے۔ کتنی ہی نعمتیں ایسی ہیں جو بن مانگے ہمیں عطا ہوئی ہیں اور اِن کا سلسلہ بڑھتا ہی چلا جا رہا ہے۔یقیناً خُدائے اَحْکَمُ الْحَاکِمِیْن کی بے شُمار نِعْمتیں ساری کائنات کے ذَرّے ذَرّے پر بارِش کی بُوندوں ،  دَرَخْتوں کے پَتّوں ،  سمندر کے قطروں اور ریت کے ذرّوں سے زیادہ ہر لمحہ ، ہر گھڑی بن مانگے طُوفانی بارشوں سے تیز تَر برس رہی ہیں۔جن کو شُمار کرنے کا تَصوُّربھی نہیں کیا جا سکتا اور اِس کا اِعْلان اللہ پاک   خُوداپنے پیارے کلام میں فرمارہا ہے ، چنانچہ ارشادہوتاہے :

وَ اِنْ تَعُدُّوْا نِعْمَتَ اللّٰهِ لَا تُحْصُوْهَاؕ   (پارہ : 13 ،  ابراہیم : 34)

تَرْجَمَۂ کنزالایمان : اور اگر اللہ کی نعمتیں گِنو تو شمار نہ کر سکو گے۔

اے عاشقانِ رسول!یقیناً اس میں کوئی شک نہیں کہ بندہ کسی  وَقْت ، کسی  لمحے ، کسی بھی حالت میں اپنے خالِق و مالک  کی بے حَد و بے عَدد نعمتوں سے لاتَعلُّق نہیں ہو سکتا۔ اس لئے اگر کوئی آزمائش کی گھڑی مُقدَّر میں آ ہی جائے  یا کوئی نِعْمت خَتم ہو جائے ،  تب بھی اللہ پاک کی دوسری لا تَعْداد نِعْمتیں تو مَوْجُوْد ہوتی ہیں۔لہٰذاعقلمند وہی ہے جو ایسے لمحات میں صَبْر کا دامن نہ چھوڑے اور رِضائے اِلٰہی کی خاطر اسے برداشت کرے ، اِنْ شَآءَ اللہ الْکَرِیْم! اس کی برکت سے اَجْر و ثواب کا ڈھیروں ڈھیر خزانہ ہمارے ہاتھ آئے گا ، چنانچہ 2 فرامینِ مُصْطفٰے  صَلَّی اللہ عَلیہ وَآلہٖ و َسَلَّم سُنئے :

1   مُسلمان کو جو بھی تکلیف ، اَذِیَّت ، اَندیشہ  ، غم اور مَلال پہنچے یہاں تک کہ اگر اس