کو جمائے کہ  اﷲ تَعالیٰ عَلیم و حکیم ہے۔ جو شخص جس چیز کا اَہْل ہوتا ہے ، اﷲ تَعالیٰ اس کو وہی چیز عَطا فرماتا ہے۔ میں جس پر حَسَد کر رہا ہوں۔ اﷲ  کے نزدیک چونکہ وہ ان نعمتوں کا اَہل تھا اس لئے اﷲ تَعالیٰ نے اس کو یہ نعمتیں عطا فرمائی ہیں اور میں چُونکہ ان کا اَہل نہیں تھا ، اس لئے اﷲ تَعالیٰ نے مجھے نہیں دیں۔ اس طرح حسد کا مَرَض دل سے نکل جائے گا اور حاسدکو حَسَد کی جَلَن سے نَجات مل جائے گی۔ (احیاء علوم الدین ، کتاب ذم الغضب والحقد والحسد ، بیان الدواء الذی ینقی مرض الحسد عن القلب ، ۳ / ۳۴۲)( جنّتی زیور ، ص ۱۰۹)

حسد کے دس علاج :

مکتبۃُ المدینہ کی کتا ب ’’ باطنی بیماریوں کی معلومات ‘‘سے حَسد کےمزید دَس عِلاج سُنئے :

(1) توبہ کرلیجئے۔ ‘‘حَسد بلکہ تمام گُناہوں سے توبہ کیجئے کہ یااللہ میں تیرے سامنے اِقْرار کرتا ہوں کہ میں اپنے فُلاں بھائی سے حَسَد کرتا تھاتُو میرے تمام گُناہوں کو مُعاف فرمادے۔ آمین

(2) “ دُعا کیجئے۔ ‘‘کہ یا اللہ! میں تیری رضا کے لیے حَسدسے چُھٹکارا حاصل کرنا چاہتا ہوں ، تُو مجھے اس باطنی بیماری سے شِفا دے اور مجھے حسد سے بچنے میں اِسْتقامت عطا فرما۔ آمین

(3) رِضائے الٰہی پر راضی رہیے۔ ‘‘ کہ رَبّ  نے میرے اس بھائی کو جو بھی نعمتیں عطا فرمائی ہیں ، وہ اس کی رِضا ہے ، وہ رَبّ اس بات پر قادِر ہے کہ جسے چاہے ، جو چاہے جتنا چاہے ، جس وَقْت چاہے عطا فرمادے۔

(4) حسد کی تباہ کاریوں پر نظر رکھیے۔ ‘‘کہ حسداللہ ورَسُول  صَلَّی اللہُ عَلَیْہِ واٰلِہٖ وَسَلَّمَ  کی ناراضی  کا سبب ہے ، حسد سے نیکیاں ضائع ہوتی ہیں ، حَسَد سے غیبت ، بدگُمانی ، چُغلی جیسے گُناہ سرزَد ہوتے ہیں ، حَسد سے رُوحانی سُکون برباد ہوجاتا ہے۔ وغیرہ وغیرہ

 (5) حسد کا سبب بننے والی نعمتوں پر غور کیجئے۔ ‘‘کہ اگروہ دُنیوی نعمتیں ہیں تو عارضی ہیں اور عارضی چیز پرحسد کیسا؟اگر دِینی شَرَف وفضیلت ہے تو یہ اللہ کریم کی عطا ہے اور اللہ کی عَطا پر حَسد کرنا عقل مندی نہیں۔