Book Name:Hasad ki Tabahkariyan Or Ilaj
ہی سے سچے عاشقانِ رسول کی صَفوں میں شامل ہوکر سنّتوں کے عامل بن جائین تو پریشان ہونے کی قطعاً ضرورت نہیں ، اَلْحَمْدُ لِلّٰہ شیخ طریقت ، امیر اہلسّنت دَامَتْ بَـرَکاتُہُمُ الْعَالِیَہ کے فیضانِ نظر سے دعوتِ اسلامی کے زیرِ اہتمام بچوں کی تعلیم و تربیت کیلئے مدرسۃ المدینہ (بوائز) اور بچیوں کیلئے مدرسۃ المدینہ (گرلز) قائم ہیں۔ جن میں تجْوید و قرأت کے ساتھ قرآنِ مجید پڑھایا جاتا ہے۔ اِس کا پڑھنا اور سُننا سُنانا سب ثواب کا کام ہے۔ قرآنِ پاک کا ایک حَرف پڑھنے پر 10 نیکیوں کا ثواب ملتا ہے اور اَلْحَمْدُ لِلّٰہقُرآنِ پاک ہر مسلمان کے لئے ہدایت کا سر چشمہ بھی ہے۔ اس پر عمل کرنا دونوں جہاں میں کامیابی کا سبب ہے ، لیکن یاد رکھئے! عمل کرنے کے لئے اسے صحیح پڑھنا ، سیکھنا اور سمجھنا ضروری ہے لیکن افسوس صَدْ افسوس! کہ ہماری اکثریَّت قرآنِ پاک کو پڑھنے ، سیکھنے ، سمجھنے اور اس پر عمل کرنے سے بَتَدْرِیْج دُور ہوتی جارہی ہے۔ حالانکہ اس کی تعلیم کے بارے میں پیارے مُعَلِّمِ کائنات ، فَخْرِ مَوْجُودات صَلَّی اللہُ عَلَیْہِ وَاٰلِہٖ وَسَلَّمکا فرمانِ عالیشان ہے : خَیْرُکُمْ مَنْ تَعَلَّمَ الْقُرْاٰنَ وَعَلَّمَہ۔ یعنی تم میں سے بہترین شخص وہ ہے جو قرآن سیکھے اور دوسروں کو سکھائے۔ (بخاری ، ۳ / ۴۱۰ ، حدیث : ۵۰۲۷)قرآنِ کریم کس قدر سیکھنا ضروری ہے اس کے متعلق سیدی اعلی حضرت ارشاد فرماتے ہیں : اتنی تجوید (سیکھنا) کہ ہر حَرْف دوسرے حرف سے صحیح ممتاز ہو فرضِ عَین ہے۔ بغیر اس کے نماز قطعاً باطل ہے۔ (فتاوی رضویہ ، ۳ / ۲۵۳ ، مخرجہ) اَلْحَمْدُ لِلّٰہ عاشقانِ رسول کی دینی تحریک ، دعوتِ اسلامی کے تحت ہزاروں مَدارِس بنام مدرسۃُ المدینہ اس دینی کام کے لئے کوشاں ہیں۔ تادمِ بیان پاکستان اور اوورسیز میں برائے حِفْظ و ناظِرہ 5006 (پانچ ہزار چھ)مدارس المدینہ (بوائز اینڈ گرلز) قائج ہوچکے ہیں جن میں بچوں اور بچیوں کی کُل تعداد تقریبا 230552 ( 2لاکھ 30 ہزار 552) ہے آپ سے بھی مدنی التجاء ہے کہ اپنے بچوں اور بچیوں کو تجوید و قرأت کے ساتھ قرآنِ پاک کی تعلیم دلوانے ، ان کی اخلاقی تربیت کے ذریعے انہیں نیک بنانے اور اسے اپنے لئے صَدَقۂ جارِیہ بنانے کیلئے مدرسۃُ المدینہ میں داخل کروادیجئے۔