(4) د قرآنِ مجيد څلورم حق: د دې تلاوت كول

     د قرآنِ مجيد څلورم حق دے: د دې تلاوت كول. دا هم زمونږ د مُعاشرے بدقسمتي ده چې مونږه تلاوت نه كوو، څومره حافظان دي چې صرف په رمضان كښې قرآنِ مجيد لولي، حالانكه * مونږ ته سحر ماښام د تلاوتِ قرآن ترغيب راكړے شوے دے،*  تلاوتِ قرآن افضل عبادت دے.^([1]) * د قرآنِ كريم يو حرف لوستلو باندې د لسو نيكو ثواب ميلاويږي، ^([2]) * قرآنِ كريم لوستلو سره رحمتونه را وريږي، فرښتے په تلاوت کوونکي د خپلو وزرو سورے كوي، په تلاوت کوونکي سكينه نازليږي.^([3]) * څوك چې سحر قرآن ختم كړي نو تر ماښامه پورې او څوك چې ئې ماښام ختم كړي نو د سحر راختلو پورې فرښتے د هغه د پاره د رحمت دُعاګانې كوي.^([4]) * د قيامت په ورځ به قرآن د خپل لوستونكي شفاعت كوي.^([5]) * قرآن لوستونكې به قرآن لولي او د جنَّت په درجو به خيژي. ^([6])* څوك چې په لمَانځه كښې په ولاړه د قرآنِ مجيد تلاوت كوي د هغه د پاره د هر حرف په بدله كښې 100 نيكئ دي او څوك چې په لمَانځه كښې په ناسته تلاوت كوي د هغه د پاره د هر حرف په بدله كښې 50 نيكئ دي او څوك چې د لمَانځه نه بهَر په اوداسه كښې تلاوت كوي، د هغه د پاره د هر حرف په بدله كښې 25 نيكئ دي او څوك چې په بے اودسه تلاوت