Book Name:Quran Kay Huqooq
كامل او اكمل ژوند څنګه حاصل کړے شي؟
په مونږ كښې تقريباً هر يو كس غواړي چې زما ژوند ښه، ښائسته، ښكلے، بهترين او كامل و اکمل شي. لږ د دُنيا په تاريخ غور اوكړئ! په دُنيا كښې د ټولو نه كامل، اكمل، د ټولو نه ښه بهترين او ښكلے ژوند د چا دے؟ يقيناً يو مسلمان به دا جواب وركوي چې په دې دُنيا كښې د ټولو نه كامِل و اكمل ژوند د خوږ نبـي، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم مبارك ژوند دے، د حُضُورِ اكرَم صَلَّى اللهُ عَلَيْهِ وَاٰلِهٖ وَسَلَّم ژوند مبارك څه وو؟ اُمُّ الْمُؤمِنِين حضرتِ عائشه رَضِیَ الله عَنْهَا په دريو ټكو كښې بيان كړے دے: کَانَ خُلْقُہُ الْقُرْآن يعني د مُصطفٰى جانِ رحمت صَلَّى اللهُ عَلَيْهِ وَاٰلِهٖ وَسَلَّم مبارك اَخلاق قرآن والا وو.([1])
يعنې هغوئي رَضِیَ الله عَنْهَا فرمائي چې قرآنِ كريم لوستل شروع كړه، قرآنِ مجيد چې كوم كوم اخلاق و آداب بيانوي، د دې ټولو عملي نمونه زمونږ د خوږ نبـي په مبارك ژوند كښې ښكاري.
معلومه شوه چې كه مونږه خپل ژوند ښكلے، ښه او كامِل جوړول غواړو نو د دې يوه طريقه ده چې د ژوند تيرولو اُصول د قرآنِ مجيد نه زده كړو او په هغې باندې د عمل كولو انداز د سُنَّتِ مصطفٰى نه زده كړو او عمل پرې اوكړو، اِنْ شآءَ الله! زمونږ ژوند به ښكلے، بهترين، او كامل و اكمل جوړ شي.
اَز یَکْ آئین مُسَلْمَان زِنْدَہ اَسْت پَیْکَرِ مِلَّت زِ قُرآن زِنْدَہ اَسْت
ترجمه: اسلام او مسلمان صرف په يو قانون ژوندي اوسي او د هغه قانون نوم قرآن دے.
الله پاك دِ مونږ ټولو ته په قرآنِ كريم باندې د عمل كولو توفيق را عطا كړي.
اٰمِين بِجَاهِ النَّبِىِّ الْاَمِين صَلَّى اللهُ عَلَيْهِ وَاٰلِهٖ وَسَلَّم