کے ساتھ جھولی پھیلائے بارگاہِ الٰہی میں مغفرت کی بھیک مانگ رہے ہوں تو دریائے رَحْمت جوش میں آجائے اور اس مُبَارَک مہینے میں بخشے جانے والوں کی فہرست میں ہمارا بھی نام شامِل کر دیا جائے۔ اس لئے ہمیں چاہئے کہ اس موقع کو غنیمت سمجھیں، اس سے فائدہ اُٹھائیں اور رَو کر ، گڑگڑا کر، بڑی عاجزی وانکساری کے ساتھ بارگاہِ الٰہی میں مغفرت و بخشش کا سُوال کریں اور گُنَاہوں کی مُعَافِی مانگیں۔

یہ بھی یاد رہے کہ ”اِسْتِغْفَار“ شعبان ہی کے ساتھ خاص نہیں بلکہ اِسْتِغْفَارمستقل عبادت ہے۔  اللہ پاک کے حبیب، دِلوں کے طبیب  صَلّی اللہُ عَلَیْہ وآلِہ وسَلَّم  نے فرمایا: بےشک لوہے کی طرح دِلوں کو بھی زنگ لگ جاتا ہے، پھر اس کی صَفائی اِسْتِغْفار سے ہوتی ہے۔^([1])

ایک حدیثِ پاک میں اِرْشاد فرمایا: جس نے اِسْتِغْفار کو اپنے اُوپَر لازِم کر لیا، اللہ پاک اسے ہر غم سے نجات دے دے گا، اُس کی ہر مشکل آسان فرما دے گا اور اسے ایسی جگہ سے رزق عطا فرمائے گا، جہاں سے اُس کا گمان بھی نہیں ہو گا۔^([2])

صَلُّوْا عَلَی الْحَبیب!          صَلَّی اللّٰہُ عَلٰی مُحَمَّد

پیارے اسلامی بھائیو! اِسْتِغْفَار کا معنی ہے: اللہ پاک سے مغفرت کا سُوال کرنا۔ احادیث میں اِسْتِغْفَار کے مختلف الفاظ بیان کئے گئے ہیں، ”اَسْتَغْفِرُ اللہ، اَسْتَغْفِرُ اللہ“ پڑھنا بھی استغفار ہے، اس کے عِلاوہ ہم اپنی مادری زبان میں ”یا اللہ! مجھے مُعَاف فرما، الٰہی! میرے گُنَاہ بخش دے“ وغیرہ پڑھ کر بھی استغفار کر سکتے ہیں۔   الحمد للہ! اللہ پاک نے استغفار میں بڑی طاقت رکھی ہے۔ ایک مرتبہ امامِ حَسَن بصری رَحمۃُ اللہِ عَلَیْہ کے پاس ایک شخص آیا اور بارش نہ ہونے کی شکایت کی، آپ نے فرمایا: استغفار کرو! دوسرا شخص آیا،