شانِ امامِ حُسَین میں 4 فرامینِ مصطفےٰ صَلَّی اللہُ عَلَیْہِ وَاٰلِہٖ وَسَلَّم

اللہ کے پیارے نبی، مکی مدنی صَلَّی اللہُ عَلَیْہِ وَاٰلِہٖ وَسَلَّم امام حسین  رَضِیَ اللّٰہ عَنْہُ  سے بہت پیار فرمایا کرتے تھے، آپ صَلَّی اللہُ عَلَیْہِ وَاٰلِہٖ وَسَلَّم اپنے پیارے نواسے امام حسین  رَضِیَ اللّٰہ عَنْہُ  کو چوما کرتے، ہمارے پیارے آقا صَلَّی اللہُ عَلَیْہِ وَاٰلِہٖ وَسَلَّم امامِ حسین  رَضِیَ اللّٰہ عَنْہُ  کو سونگھا کرے،  (1):اللہ کے رسول، گلشنِ آمنہ کے مہکتے پھول  صَلّی اللہُ عَلَیْہ وآلِہ وسَلَّم  نے امامِ حَسَن اور امامِ حُسَین رَضِیَ اللّٰہ ُعَنْہُمَا کے مُتَعَلِّق فرمایا: ہمارے یہ دونوں بیٹے جوانانِ جنّت کے سردار ہیں۔^([1])  (2):ایک حدیثِ پاک میں فرمایا: حسن وحُسَین کا دوست ہمارا دوست، ان کا دُشْمن ہمارا دُشمن ہے۔ (3):ایک موقع پر اللہ کے آخری نبی رسولِ ہاشِمی  صَلّی اللہُ عَلَیْہ وآلِہ وسَلَّم  نے امامِ حُسَین  رَضِیَ اللّٰہ عَنْہُ  سے اپنی مَحبَّت کا اِظْہار کرتے ہوئے فرمایا: حُسَیْن مجھ سے ہے اور میں حُسَیْن سے ہوں، جو حُسَیْن کو دوست رکھے، اللہ پاک اسے دوست رکھے۔^([2]) (4):ایک مقام پر فرمایا: جس نے حَسَن و حُسَیْن  سے مَحبَّت کی، اس نے مجھ سے مَحبَّت کی، جس نے ان سے دشمنی رکھی، اس نے مجھ سے دشمنی رکھی۔^([3])

امامِ عالی مقام، امامِ تشنہ کام، امام حُسَیْن  رَضِیَ اللّٰہ عَنْہُ  نے دِیْن اسلام کی حِفَاظت کے لئے 10 محرم الحرام، سن 61 ہجری کو کربلا کے میدان میں عظیمُ الشَّان قربانی پیش کی اور 72 رُفقا کے ساتھ 3 دِن بھوکا پیاسا رِہ کر جامِ شَہَادت نوش فرمایا۔^([4])

آں اِمَامِ عَاشِقَاں، پُوْرِ بَتُول                                                                                               سَرْوِ آزَاد زِ بُسْتَانِ رَسُوْل